@kjoonka63: ذيِّ مافي ناس بتمشي، في عوض أحسن منهم بغطي عليهم.. صح في ناس ما بنقدر نتجاوزهم..! و في ناس بنأخد زمن كتير عشان نتعافى من جراحاتهم..! برضو لازم نتعلم إنو بنقدر نتأقلم و نكمل حياتنا.. خليّك عارف إنو دايمًا الزول الصَحْ ما بيمشي، البيمشي دا كان محطة ليس إلا.. و مؤمن دايماً إنو في زول بيجي و بنسيك و بغطى الآلام دي كُلها.. أي زول مشى مننا سواء كان العيِّب مننا نحنا أو منو يبقى لخير في كُل الأحوال.. ما هو الدُنيا لا بتقيف علينا و لا عليه. ربنا يوفقو مع غيِّرنا و كتر خيرو على الأيام الحِلوة، ما ناكرين جميل و عُشرة.. وقت ما يحتاج بالحيِّل بنقيف معاه. خوجلي عُثمان "ربنا يرحمو" إختصر ليِّنا الكلام دا كُلو لما غَنى و قال.. نحنا ﺃﺻﻠﻨﺎ ﻧﺎﺱ مَحبة..ﺯﻭﻝ ﻧﻌِﺰﻭ ﻭ ﺯﻭُّﻝ ﻧﺮﻳِّﺪﻭ.. ﻭ ﺍﻟﺒﻴﻔﻮﺕ ﺭﻳِّﺪﺗﻨﺎ ﻳﻤﺸﻲ..ﺑﺮﺿﻮ ﻧﻔﺮﺡ بجديدو.. _هنا لخص لينا عن العلاقات الممكن نقول عنها صحيحة.. المفهوم السائد عندنا إنو العلاقة لما تنتهي، بتنتهي نهاية أبدية لا يا جدعان، العلاقات الصحيحة لما تنتهي بتنتهي بوُدْ، وقت ما بتحتاجني بتلقاني، بفرح بجديدك، و بزعل لحزنك.. عشان إنت في يوم كُنتَ ذِكرى حلوة في حياتي، أكيد ما حيهون علي أبقى نَكار جميِّل، و ابيع العُشرة..!! في مفهوم غلط شديد حايم حولنا.. إنو دايماً بنستحقر الEx بمفهوم إنو حاجة و إنتهت ما منها لازمة، و دايماً بنقلل من مقام "Ex" في أي مكان، بطريقة سيئة جدًا.. نفس الزول البتقلل من قيمتو بمختلف السبب الخلاكم تسيبو بعض، او الشيء العملو فيّك مهما يَكُنْ.. برضو في يوم من الأيام كان سبب ضحتك.. كان سندك في الليالي الصعبة.. في يوم حسسك بإنك عظيم بحق و حقيقة.. حصلت حاجة وما كملنا لقدام، من باب الأصول و رد الجميل، إنو ما نجحد الفضل دا من أول فُراق و نقضيها مطاعنات و فتن و الذي منو.." . إتربينا على تعظيِّم الجميِّل و ردو.. ما إتربينا ننكر الفضل و الكَرم، عشان كم موقف تافه. و البيفوتنا يمشي، وبرضو بنفرح بجديدو.

𝕜𝕛𝕠𝕟𝕜𝕒🪐

Open In TikTok:

Region: QA

Thursday 18 June 2026 16:46:25 GMT