يا أختي الكريمة قبل ما تنزلي صورتك أو فيديو ليك في الاستوري مع الأغاني فكري للحظة: هل الحاجة دي حتنفعك يوم القيامة ولا حتكون عليك؟ الدنيا قصيرة شديد والعمر بمر بسرعة وكل حاجة بننشرها بتتسجل لينا أو علينا.
الإنسان ممكن ينزل حاجة في دقائق لكن أثرها يفضل سنين طويلة. كم من شخص شاف الصورة أو سمع الأغنية بسبب الاستوري؟ وكم مرة اتعاد نشرها أو حفظها؟ عشان كدا الواحد لازم يكون حريص على كل حاجة بقدمها للناس.
الجمال نعمة من ربنا والنعمة دي محتاجة شكر وحفظ وما كل حاجة عندنا لازم نعرضها للناس. ربنا أمرنا بالستر والعفة وأمرنا نبتعد من كل ما يجر للفتنة أو المعصية. والزول العاقل هو البفكر في رضا ربه قبل رضا الناس.
تذكري إنو الناس البتشوف الاستوري اليوم ممكن تنساه بكرة لكن العمل البتعمليه ربنا ما بنساه. فما تخلي إعجاب أو مشاهدة أو تعليق يكون سبب إنك تخسري حسنات أو تكسبي ذنوب.
خلي حساباتك منبر للخير وانشري كلمة طيبة، دعاء، ذكر أو حاجة تنفعك بعد مماتك. لأنو أجمل حاجة ممكن يتركها الإنسان وراه أثر طيب وأعمال صالحة.
اللهم اهدنا جميعاً لما تحب وترضى واجعل أعمالنا خالصة لوجهك الكريم واجعل حساباتنا شاهدة لنا لا شاهدة علينا.🥺