@cherok67: #koya "لەم دونیایەدا هیچ شتێک هێندەی دڵڕەقی ئەو کەسە سەرسامت ناکات کە ڕۆژێک بە دڵنیاییەوە پێتوابوو پەناگەی تۆیە و تەواوی ژیانی خۆت لەپێناو ڕازیکردنی دڵیدا دانا و هەموو دەرگاکانی دونیات بەسەر خۆتدا کڵۆمدا تەنها بۆ ئەوەی ئەو لە ناختا بمێنێتەوە، کاتێک بە چاوەکانمەوە سەیری دەکردم و ئەیوت ئەتکوژم من تەنها پێکەنیم و وام ئەزانی گاڵتە ئەکا و وامدەزانی ئەوە تەنها دەربڕینی جۆرێک لە توڕەیی یان نازکردنی عەشقە و قسەی سەر زمانە و دڵی نایەت ئازاری مێروویەکیش بدات چ جای منی ماندووی ڕێگا، بەڵام من زۆر ساویلکە بووم چونکە نەمدەزانی مرۆڤەکان دەتوانن ببنە بکوژی ڕۆحی یەکتر بەبێ ئەوەی یەک دڵۆپ خوێن بڕێژن و بەبێ ئەوەی دەستیان بە تاوانێک سوور بێت یان یاسا لێپرسینەوەیان لەگەڵدا بکات، من چاوەڕێی چەک و فیشەک بووم بەڵام ئەو بکوژێکی زۆر لێهاتووتر بوو کە نەیویست بە یەکجار و بە خێرایی کۆتاییم پێبهێنێت بەڵکو ویستی هەموو چرکەیەکی تەمەنم تامی مردن بچێژم کاتێک دڵم لێدەدات و ناچارم بژیم و لەناو خەڵکیدا خۆم بە زیندوو نیشان بدەم، ئەو کاتەی بە ساردی و بێباکی قسەی ئەکرد و کاتێک ڕۆژ بە ڕۆژ دوور دەکەوتەوە و بە جێهێشتنەکەی منی لەناو تەمومژی گومان و تەنیاییدا بە تەنیا ڕادەستی شەوقی یادگارییەکان دەکرد ئەوجا تێگەیشتم مەبەستی لە کوشتن چی بوو، ئەو نەهات جەستەم ڕاکێشێتە ناو گۆڕستان بەڵکو هات و ناخمی کردە گۆڕستانی تەواوی ئەو خەون و هیوایانەی کە پێکەوە بە خوێنی دڵ چنیمان و هیوامان لەسەر ئاوا کردبوو، هەموو شتێکی لە ناخمدا وێران کرد و متمانەمی کوشت و ئەو پێکەنینە ڕاستەقینانەی سەر لێوانی کوشتم کە چەندین ساڵ بوو پێیان ڕاهاتبووم و کەسی ترم بە قەد ئەو بە دڵسۆز نەدەزانی، ئەو مرۆڤە گەشبینەی ناخمی کوشت کە بڕوای بە هەموو دونیا هەبوو و هەمیشە دڵی بۆ هەموان لێدەدا و پێیوابوو هەموو مرۆڤەکان وەک خۆی پاک و بێگەردن و هیچ ناپاکی و درۆیەک لەم ژیانەدا بوونی نییە، ئێستا کە سەیری ئاوێنە ئەکەم تەنها جەستەیەک دەبینم کە هاتوچۆ دەکات و تەنها نەفەسێکی سارد و ماندوو وەرئەگرێ ئەگینا من لە مێژە لەو ڕۆژەوەی ئەو پشتی تێکردم و منی لە نیوەی ڕێگادا جێهێشت لە ناوەوە کۆتاییم پێهاتووە و چاوەڕێی هیچ شتێکی تر ناکەم لەم ژیانە شێواوەدا و تەنها ڕۆژەکان بەڕێ دەکەم بەبێ ئەوەی ئامانجێکم هەبێت، زۆر سەیرە مرۆڤ چەند بێدەنگ و بێباکانە ئەتوانێت بە وشەکانی و بە ساردبوونی و بە ڕۆشتنی کەسێک بکوژێت کە ڕۆژێک لە ڕۆژان هەموو دونیاکەی ئەو بوو و تەنانەت ئامادە بوو ژیانی خۆیشی لەپێناودا بەخت بکات بەڵام دواجار تەنها وەک تەمشاکەرێک مایەوە لەسەر تەرمی ئەو هەموو هەستە جوانانەی کە خۆی بە دەستەکانی خۆی لە ناخمدا زیندەبەچاڵی کردن، ئێستا لە دوای ئەو هەموو ئازارە تێگەیشتم کاتێک مرۆڤێک پێ دەڵێت ئەتکوژم پێویست ناکات پێبکەنی و بە گاڵتەی بزانی چونکە گەورەترین بکوژەکان ئەوانەن کە بە ناوی عەشق و دڵسۆز بوونەوە دێن و لە کۆتاییدا بەبێ هیچ بەزەییەک تەواوی بوون و داهاتووت لە ناودەبەن و بە تەنیا لە ناو جەنجاڵی ئەم دونیایەدا ڕاوەستاوت دەکەن و دەڕۆن، من باجی ئەو پێکەنینە و باجی ئەو باوەڕە کوێرستانەم دا کە بە قسەکانی ئەو بووم چونکە نەمدەزانی جێهێشتنیش جۆرێکە لە چەک و ساردبوونیش جۆرێکە لە فیشەک و دواجار هەر یەک لە ئێمە بە دەستی ئەو کەسە دەکوژرێت کە ڕۆژێک لە ڕۆژان زیاتر لە ڕۆحی خۆی خۆشی دەویست و دەیپاراست."🙇🏻💔

حــاجــی🎖️

Open In TikTok:

Region: IQ

Thursday 18 June 2026 21:22:18 GMT