#Khit Thit သတင်းဌာန၏ ဇွန် ၁၉ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၉ ရက် မနက်ပိုင်း တင်ဆက်ပေးမယ့် သတင်းတွေကတော့ -တရုတ်ပြန် အကြမ်းဖက်မင်းအောင်လှိုင်ကို အိန္ဒိယခရီးစဉ် အိမ်ပြန်လမ်းထက် ပိုမိုစည်စည်ကားကား ကြိုဆိုကြဖို့အတွက် အနုပညာအသိုင်းအဝိုင်း၊ လူမှုရေးအဖွဲ့အစည်းတွေ၊ တိုင်းရင်းသားရိုးရာ ယဉ်ကျေးမှုအဖွဲ့တွေနဲ့ စီးပွားရေးအဖွဲ့အစည်းတွေကို နေပြည်တော်ကို ဆင့်ခေါ်ထားပြန်တယ်လို့ နေပြည်တော်စစ်ဘက်သတင်းရင်းမြစ်က ပြောပါတယ်။ ဒီကနေ့ ဇွန်လ ၁၉ ရက်နေ့မှာ ကျရောက်တဲ့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသက် ၈၁ နှစ်ပြည့် မွေးနေ့အကြိုအထိမ်းအမှတ်အဖြစ် နှင်းဆီလှုပ်ရှားမှုတွေကို မနေ့ကစပြီး နေရာအနှံ့မှာ စတင်ပြုလုပ်နေကြပါတယ်။ မြန်မာစာပေလောကရဲ့ အမျိုးသားစာပေဆုရှင်စာရေးဆရာ တင်ညွန့်နဲ့ သား ၁ ဦးကို အင်းစိန်ထောင် အတွင်း အထူးတရားရုံးက နိုင်ငံတော်အကြည်ညိုပျက်စေမှု ပုဒ်မ ၅၀၅(က) နဲ့ ထောင်ဒဏ် ၃ နှစ် ချမှတ်လိုက်တယ်လို့ မိသားစုဝင်နဲ့ နီးစပ်သူတစ်ဦးက ပြောပါတယ်။ မြန်မာအမျိုးသမီးလိဂ်မှာ ဝင်ရောက်ယှဉ်ပြိုင်နေတဲ့ စစ်ကောင်စီလက်အောက်ခံ ပြည်ထဲရေးဝန်ကြီး ဌာနပိုင် “သစ္စာအားမာန်” အမျိုးသမီးဘောလုံးအသင်းမှာ ကစားသမားတွေကို ထောက်ပံ့မှုမရှိ သလောက် ဖြစ်နေပြီး ထမင်းတောင် နပ်မှန်အောင်မကျွေးဘဲ ယှဉ်ပြိုင်ခိုင်းနေတယ်လို့ အသင်းရဲ့ နောက်ခံလူ ဒီဇင်ဘာနှင်းက ပွဲပြီး ရုပ်သံအင်တာဗျူးတစ်ခုမှာ ဖွင့်ဟပြောဆိုလိုက်ပါတယ်။ အမေရိကန် ဒုသမ္မတ ဂျေဒီဗန့်စ်ကတော့ အမေရိကန်နဲ့ အီရန်တို့ကြားရရှိထားတဲ့ သဘောတူညီချက် အပေါ် မကျေမနပ်ဖြစ်ပြီး ဝေဖန်နေကြတဲ့ အစ္စရေးအစိုးရအဖွဲ့ဝင်တွေကို ပြင်းပြင်းထန်ထန် သတိပေးဝေဖန်လိုက်တဲ့ သတင်းအပါအဝင် မနက်ခင်းသတင်းတွေ တင်ဆက်ပေးပါမယ်။ - @sitisuhaibah287