လယ်ကွင်းထဲက စပါးပင်တွေကို ကြည့်ရင်... အထဲမှာ ဆန်စေ့အပြည့်ပါပြီး တကယ့်ကို အောင်မြင်ဖြစ်ထွန်းနေတဲ့ စပါးနှံတွေဟာ အလေးချိန်ကြောင့် အလိုအလျောက် အောက်ကို ဦးညွှတ်ပြီး ခေါင်းငုံ့နေကြတာကို တွေ့ရပါလိမ့်မယ်။ ဘဝမှာလည်း အလားတူပါပဲ။ တကယ့်ကို ပညာတတ်တဲ့သူ၊ ရင့်ကျက်တဲ့သူ၊ အောင်မြင်မှုအစစ်အမှန် ရှိတဲ့သူတွေဟာ... ကိုယ့်ကိုယ်ကိုယ် ဘယ်တော့မှ လေလုံးထွားပြီး ကြွားဝါလေ့မရှိပါဘူး။ သူတို့ဟာ သူတစ်ပါးအပေါ် အမြဲတမ်း ရိုသေနှိမ့်ချတတ်ပြီး၊ လေသံအေးအေးနဲ့ တည်ငြိမ်စွာ ရှင်သန်တတ်ကြပါတယ်။ သူတို့ရဲ့ တန်ဖိုးက အပြောမှာမဟုတ်ဘဲ လုပ်ရပ်နဲ့ ရလဒ်မှာပဲ ရှိနေလို့ပါ။ "အနှစ်မပါတဲ့ စပါးနှံကသာ မိုးပေါ်ထောင်ပြီး လေတိုက်တိုင်း ယိမ်းထိုးနေတတ်တာ..." ဆန်စေ့မပါဘဲ အဖျင်းအမှော်တွေပဲ ပြည့်နေတဲ့ စပါးနှံကတော့... ပေါ့ပါးနေတဲ့အတွက်ကြောင့် မတ်မတ်ကြီး ထောင်နေပြီး လေတိုက်လိုက်တိုင်း ဟိုယိမ်းဒီနွဲ့နဲ့ ဆူညံပြနေတတ်ပါတယ်။ လောကမှာ ဘာပညာမှ မတတ်ဘဲ၊ ဘာအရည်အချင်းမှ မရှိဘဲ၊ ဘာအနှစ်သာရမှ မရှိတဲ့သူတွေကသာ... ကိုယ့်ကိုယ်ကိုယ် အဟုတ်ကြီးထင်ပြီး မိုးပေါ်ထောင်ကာ လေလုံးထွားတတ်ကြတာပါ။ သူတို့ဟာ ပတ်ဝန်းကျင်ရဲ့ စကားလုံးတွေ၊ ဝေဖန်မှုတွေကြားမှာလည်း လေတိုက်တဲ့ စပါးနှံလိုပဲ စိတ်ဓာတ်တွေ အလွယ်တကူ ယိမ်းထိုး တုန်လှုပ်တတ်ကြသေးတယ်။ "တန်ဖိုးရှိတဲ့ လူဟာ တည်ငြိမ်တယ်၊ တန်ဖိုးမရှိတဲ့ လူကတော့ ဆူညံတယ်" ဒါကြောင့်... ဘဝမှာ ကိုယ်တိုင်ကလည်း အောင်မြင်လေလေ ပိုပြီး နှိမ့်ချအေးချမ်းလေလေ ဖြစ်အောင် ကြိုးစားရမှာဖြစ်သလို၊ ပတ်ဝန်းကျင်မှာ လေလုံးထွားပြီး မိုးပေါ်ထောင်ပြနေတဲ့ အနှစ်မပါတဲ့ "စပါးဖျင်း" တွေနဲ့ ကြုံလာရရင်လည်း... စိတ်ဆိုးဒေါသထွက်မနေပါနဲ့တော့။ သူတို့မှာ အနှစ်သာရ မရှိလို့ အခုလို လုပ်ပြနေရရှာတာပဲဆိုပြီး သနားစရာ အသိလေးနဲ့သာ ကျော်ဖြတ်လိုက်ပါဗျာ။ #🍀🍀🍀 #crd_to_owner_with_respect #🌾🌾🌾🌾🌾🌾🌾 - @maysue192