@alihaq2537: حُسنِ تخلیق کا شہکار ، حُسینؑ ابنِ علیؑ عشق کا مطلعِ انوار ، حُسینؑ ابنِ علیؑ گُلِ گُلزارِ حرم ، زُبدۂ آلِ ہاشم نُورِ چشمِ شہہِؐ ابرار ، حُسینؑ ابنِ علیؑ حق نے باطل کو بہ ہر حال پنَپنے نہ دیا اِس حقیقت کا ہیں اظہار ، حُسینؑ ابنِ علیؑ مظہرِ صدق و صفا پیکرِ تسلیم و رضا پر توِ احمدِؐ مختار ، حُسینؑ ابنِ علیؑ ایک لعنت ہے زمانے کے لیے فعلِ یزید اِک سعادت ترا کردار ، حُسینؑ ابنِ علیؑ دوزخی آپ کے رُتبے سے کہاں واقف ہیں اہلِ جنّت کے ہیں سردار، حُسینؑ ابنِ علیؑ حق جہاں جلوہ نما ہوگا، وہاں تُو ہوگا چار سُو ہے ترا دیدار، حُسینؑ ابنِ علیؑ تیری سرکار میں جُھکتا ہے دِلِ ہر مظلُوم سب کو ہے تُجھ سے سروکار، حُسینؑ ابنِ علیؑ آستاں پہ ترے آیا ہے تہی دست، نصیؔر تیرا دربار ہے دُربار ، حُسینؑ ابنِ علیؑ پیرسیّدنصیرالدّین نصیرؔ شاہ قادری چشتی نظامی گولڑوی رحہ #نعت #سفیرعشق #قوالی_محفل #پاکستان #پاکستان___زندہ___باد