Waxaa jira khalad oo ay dad badan sameeyaan. Waxay aaminsan yihiin in shaqo badan oo keliya ay si toos ah u keenayso guul, hanti iyo farxad. Sanado badan ayay dadaalaan, laakiin mararka qaar natiijadii ay filayeen ma helaan. Sababtu waa hal arrin oo ay iska indho tiraan. Guushu kama bilaabato shaqada aad qabato, waxay ka bilaabataa qofka aad noqoto. Casharka ugu muhiimsan ee nolosha waa in aad naftaada ka shaqayso si ka badan inta aad shaqadaada uga shaqayso. Dakhliga, guusha iyo fursadaha aad hesho badanaa kama sarreeyaan heerka horumarka aad naftaada gaarsiisay. Mararka qaar qof ayaa si kedis ah u heli kara lacag badan ama fursad weyn. Laakiin haddii uusan maskaxdiisa, aqoontiisa iyo hab-fikirkiisa horumarin, guushaas muddo dheer ma sii jiri karto. Taasi waa sababta horumarinta naftaadu uga muhiimsan tahay wax kasta oo kale. Haddii aad rabto fikrado cusub, wax cusub baro. Haddii aad rabto guul, dadka guulaystay wax ka baro. Haddii aad rabto farxad, baro sida dadka faraxsan u nool yihiin. Haddii aad rabto hanti, baro sida loo dhiso. Guushu ma aha nasiib keliya, waa xirfad la barto, la dhiso, laguna shaqeeyo maalin kasta. Sidoo kale, ka dhig waxbarashadu caado maalinle ah. Xitaa 30 daqiiqo oo aad maalin kasta wax ku barato waxay si tartiib ah u beddeli kartaa jihada noloshaada. Akhri buugaag, maqaallo iyo wax kasta oo aqoontaada kordhinaya. Ha noqon qof dadka si indho la'aan ah u raaca. Noqo qof wax barta, wax qora, wax fiirsada, kana faa'iidaysta waayo-aragnimada dadka kale. Sababtoo ah mararka qaar hal fikrad oo yar ayaa beddeli karta noloshaada oo dhan. Waxa kale oo muhiim ah inaadan raadin waddooyin gaagaaban oo degdeg kuu gaarsiinaya guul. Guusha waarta ma laha jid gaaban. Baro sida noloshu u shaqayso, kadibna si joogto ah u soco. Maalin kasta aqoon cusub ku dar. Maalin kasta horumar yar samee. Maalin kasta noqo qof ka wanaagsan kii aad shalay ahayd. Ugu dambeyntii, ma aha shaqada aad qabato oo keliya waxa go'aamiya mustaqbalkaaga, ee waa qofka aad isu beddesho. Ugu Dambeyntii Waxan Kudhihi laha: Haddii aad rabto inaad noqoto qof guulaysta, hodan ah oo faraxsan inta noloshaada ka dhiman, ha sugin in noloshu iskeed isu beddesho. Adiga is beddel. Maskaxdaada kobci. Aqoontaada ballaadhi. Naftaadana maalin kasta horumari. Sababtoo ah, qofka aad noqoto ayaa go'aaminaya nolosha aad ku noolaan doonto. (Qormada: Nasser Aarka) 📌 Haddii aad halkan soo gaadhay, aad baad ugu mahadsan tahay waqtigaaga qaaliga guuleyso.🫡 #Somalia #tiktok #viral #foryou - @nasser_aarka