@learning222fly: وفي ميلاد رغيفنا البيبي شعر مش عارف له صاحب بس جوعنا وبكينا فاللي يعرف مين اللي قاله يكتب اسمه حرام ابن اللذينا مش هيبقى حقه ضايع في الرغيف وفي شعره لينا اسمعوا إيه اللي قاله عن رغيف العيش أخينا قال سعادته: لما شفته افتكرته من غبوته أسبرينه رحت بالعه قام لزق في سقف حلقي بالعجينة قلت إيه ده؟! قالوا دا اسمه الرغيف ابن اللذينا قلت: هو دا الرغيف اللي أمه كانت يوم تخينة واللي أبوه كان لما تاكله تلاقي طعمه فخفخينا واللي كان قوت للغلابة من زمن أحمس ومينا ولما سي السيد يجيبه تغني وتزغرد أمينة واللي ياما داب في بقي أصله كان زي الطحينة واللي كان في الفرن عامل من حلاوته أزغرينا دلوقت أصبح وسطه ساقط وأمه مكسوفة وحزينة وشكله دايخ.. طعمه بايخ حظه نحس هباب وطينة والفلاسفة احتاروا فيه من ابن رشد لابن سينا آه يا عيني على الرغيف اللي إحنا بيه والله ابتلينا إيه جراله.. يكونش جاله كساح وسل وغرغرينا قولي بس يا سي الرغيف أبكي عليك ولا علينا قالي: اخرس.. ظز فيكم قلت: فعلا.. ظز فينا

FLY (Floydian)

Open In TikTok:

Region: EG

Friday 19 June 2026 05:37:56 GMT