، أي علاقة إنت فيها ما معروف مُمكن يحصل فيها شنو، الناس بتتغير، و المشاعر بتقل، والأيام بتبدل المواقف. وحتى الزول القال ليك ما بقدر أعيش بدونك، يوم مُـمكن يصحى ويلقى نفسه ما قادر يواصل معاك، ما عشان كذاب، لإنو الحـياة بتغيّر فينا حاجات أكتـر من ما نتخيل. و ما تتعشـم كتير، خُـت في بالك الظروف. الأقـدار. الفُـراق. والبُـعد. التغيّر البكـون من غير سابق إنذار. ما تخلي العلاقة كُل دُنياك، ولا تخلي وجود زول سبب في سُعادتك الوحيدة، لإنو أي حاجة مربوطة بإنسان قابلـة تزول. الحيـاة علمتنا إنو ما في وعد أبدي، ولا مـحبة ما فيها تعب، ولا عُشـرة ما بـتمرّ بخلاف، لكن الأجـمل إنك تدي بطـيبة قلب، و تحب بنية طيبة، و تكـون دايمًا نفسك حتى لو إتغيروا. العلاقات ما بتـقيف على الكمال، لكن على الوضـوح، على المحاولة رغم التعب، على أنا معاك حتى لو الدُنيا مقلوبة، لكـن برضو، لو جاء اليوم البتنكسر فيـه العلاقة. ما تخليها تكسر روحك كُل نهاية وجع، لكن كمان كُل نهاية درس، و كُل درس بخليك أقرب لنسختك الأقوى، الما بتـقع بالسـاهل. ما تبكي على الناس الفاتـت، ولا تنـدم على الحصل، كُل زول جاك في وقت، و كان عندو دور، و حتى الوجع، جاء عشان يعلّمك شنو يعني تختار نفـسك. ما كُل حُـب لازم يدوم، و ما كُل وداع خسارة، في وداع بـحررك من التعلق، و بفتح ليك باب لحـياة أوسع. أدي المـحبة. لكن ما تدي روحك بالكامل، خلي عندك مساحة ترجـعِ فيها لنفسك، مساحة تصحى فيها بعد الخيبات، وتعـرف إنك قادر تمشي وتواصـل. و الزول البستحقك، ما بخليك تشك في قيمتك، ولا في جدوى وجودك، ولا في إحساسك الجميل. وخُـت في بالك دايمًا الناس ما بتختار تبعد، لكن الأقدار مـرات بتفرض البُعد، و الظروف بتكسر العشـم، لكن برضو بتصنع منك زول جديد، روحـه أقوى. و أنا مؤمن إنو مهما وجعتك التجارب، لسه في محبة حقيقية جاية في الطريق، محبة ما فيها خوف ولا شك. في النهاية ما بتقدر تملك الناس، لكن بتملك كيف تـحبهم، و كيف تتجاوزهم لما يمشوا. و أي عـلاقة، مهما كانت نهايتها، بتخلّف فينا أثر يا وجـع علمـنا، يا محـبة خلتنـا نفرهد. و في الحالتـين نحن بنـتطور..! في الحـياة كُل زول بنقابلـه بكون درس، إما يعلمنا كيف نُحب، أو يعلمنا كيف نحِب نفسنا أكتر. و في الحالتين برضـو، ما خسارة...♥️ - @kjoonka63