Толығырақ Желіде дүкен қызметкері мен өзін Галина Лисс деп атаған әйел арасындағы диалог түсірілген видео тарады. Кадрда әйел қызметкерден орыс тілінде жауап беруді талап етеді. Ал қыз кассаның неліктен уақытша жұмыс істемей тұрғанын қазақ тілінде сабырлы түсіндіреді. Дүкен қызметкері қазақ тілінде жақын арада тағы бір кассирдің келетінін айтқан. Алайда бұл жауапқа қанағаттанбаған сатып алушыны қызметкер қыздан орысшы жауап беруін талап етіп, сұрақтың астына алуын жалғастыра берген. Желідегілер дөрекілік танытқан әйелді тауып, жауапқа тартуды сұрап отыр. “Жарайсың мықты қыз! Әр қазақ ана тілінде осылай сайрасын!”, “Дұрыс істеді қарындасым”, Түсініп ал орысшаңды, бұл Қазақстан, Ресейге бар орысша сөйлескің келсе”, “Мына орыстар неге құтырып тұр”, “Жарайсын! Өз тілімізді өзге ұлт алдында құрметтеу деген осылай болады.Тілді құрметтеп, қадірлеу өзімізден басталады”, “Жауапқа тартылсын, депортация жасасын” деп жазған олар. Сөйтіп, желідегілер қызметкер қызға қолдау көрсеткен. - @ulysmedia_live