“HINDI NA PO TUTA, ASO NA PO SIYA” Ganito ilarawan ni Sen. Alan Peter Cayetano is Senador Ping Lacson sa isang Facebook Live nitong Hunyo 19, sa gitna ng nagpapatuloy na bangayan sa Senado kaugnay ng liderato, majority bloc, at mga kontrobersiyang dinidinig ng kapulungan. “Kung sasabihin mong tuta, ano si Senator Lacson? Hindi na po tuta si Senator Lacson. Aso na po siya. Matagal na po eh.” Ipinaliwanag ni Cayetano na ang kanyang paggamit ng salitang “aso” ay may kaugnayan umano sa paraan ng pagsunod at pagpapatupad ng mga utos. “Ano ang ibig ko sabihin sa aso? Iba-iba kasing klase ng aso. Yung kayo po, pagka may utos sa inyo, kayo ay nag-aasikaso. Meaning, you take care of it.” Nagbigay rin siya ng isa pang halimbawa ng tinawag niyang “aso-kaso.” “Meron ding pong aso-kaso. Ano yung aso-kaso? Tatahol yung aso, kakasuhan.” Mula rito, iniuugnay ni Cayetano ang kanyang kritisismo sa umano’y maling paghawak sa mga affidavit at testigo sa mga imbestigasyon. “Ang usual procedure, kapag may affidavit o wala, ang witness ite-test mo. Huwag mong pababasahin ng affidavit kasi baka hindi siya gumawa ng affidavit.” Partikular niyang binanggit si Lacson sa usapin ng proseso. “Si Senator Lacson, binaliktad niya. Di basahin mo na lang yung affidavit. Hindi. Sandali. Payagan mo muna ang DOJ kunin yung witness, gagawin yung affidavit, pagbalik basahin mo yung affidavit.” Ayon kay Cayetano, taliwas umano ito sa tamang sistema at isa sa mga dahilan kung bakit naniniwala siyang may umiiral na “selective justice.” “Hindi po ’yan ang sistema.” “It’s selective justice and some of it’s not justice. Yung iba doon imbento.” Dagdag pa niya, nauunawaan umano niya kung bakit may mga taong nasasaktan kapag nahaharap sa mabibigat na kaso sa kabila ng kanilang paggiit na wala silang kasalanan. “Naiintindihan ko yung sakit nung isa na sabi niya, ‘Inosente ako… ako pa kakasuhan? Plunder pa?’” Sa oras ng pagsulat, wala pang opisyal na tugon si Sen. Lacson sa mga naging pahayag ni Sen. Cayetano. - @angbalitangayonfb