@iiur22: على عيد انكساري في غرامك قبل تسع سنين تذكّرتك وقلت اكلّمك والنّيه النيّه الو لبيه يأغلى من ذبحني قبل عام ألفين ومت ولا حيّيت إلاّ على ذكره وطاريّه أحبك وين ما سجّت عيوني في الزمان الزين وسجّجني الزمان إللي متاهاته خياليّه ولا سجّيت عن آخر لقا عطّارة البحرين ودهن العود وأشياء الشيوخ الأرجوازيّه رعى الله كل يومٍ مرّنا ما قبل ذاك الحين على ذمّة صبى الأيام والأحلام ورديّه يوم إنك تستحي لا تذكر إن عمرك وصل عشرين وأنا ما طاب لي إلاّ ما ورا العشرين بشويّه ياحلو أحلامنا ومراهقتنا والبلا بعدين كشفنا ضحكة أول حلمنا ودموع تاليّه ولكن ما ندمنا ليه؟ لأن العالم الحلوين يعيشون الغلا وفق القوانين السعوديّه عفى الله عن ملذات الهوا والعشق والتخمين وسجّات الغلا وسجّات الغرام ولذّة الحب الحقيقيّه فديتك يوم تاخذني على كيفك ولا أدري وين معك من وين ما ذعذع هواك ومالت الفيّه غدينا كنّك الشاعر وأنا واحد من الغاوين نهيم بكل وادي من العليّا للعزيزيّه وبعد ما فاتنا ركب الحياه وشفت شوف العين مسارات الطريق والاتجاهات المصيريّه عرفت إن كل شيٍ له نهايه والنّيا والبين مصير الشاعر إللي خانت أوزانه قوافيّه خلاص اعزم على الفرقى ولا لك في رقبتي دين ترى حنّا تعدّينا الخطوط الاستوائيّه تفاهمنا على حسم الأمور وكلّنا راضين وتوادعنا ما كن قلوبنا خضر و هواويّه ومع هذا عجزت أسجّ وأنسى وأترك المقفين أغصب القلب لكن الغلا قدره إلهيّه أعن لكل ما في نجد حتى شارع الستين وأحن إن ذعذع الغربي على أهل الشرق عصريّه وإلا منّه سرى من كل ليلٍ حروة الثلثين عرفت إن نسبة النسيان دونك اثنين فالميّه وفكّرت اتبدوى مع أهل البل وأترك أهل الضين يجوز البل تنسّي من تبعها عن مشاهيّه وشريت الوضح لعل وعساي أسلى مع السالين وقعدت أشدّ وأنزل في التهاتيه الخلاويّه ولكن ما تغير حال هذا أنت اتحداني لين نويت أتمّ نصف الدين والنيّات مقفيّه وخذيت من البنات الغيد عقبك وحده وثنتين عساي أسجّ عن طاري الهوى وطيوف غاليّه لكن الوضع هو هو ما تغير والزمان يشين وحبك كل يوم يزيد في العين الشقاويّه عسى ربي يعافيني ولا يبلاك قول امين تراني كنّي إللي واطيٍ له جمرةٍ حيّه وتراني يوم كلّمتك فديتك عقب تسع سنين ما غير أهيّض العبرات ولاّ النّيه النيّه

iiur22

Open In TikTok:

Region: SA

Friday 19 June 2026 13:08:08 GMT