#☁️🌲🌻🤍 တောရွာလေးရဲ့ ဖူးစာ အခန်း (၁) ဆောင်းအကုန် နွေဦးအကူးကာလ။ ရှမ်းပြည်တောင်ပိုင်းရဲ့ တောင်တန်းတွေကြားမှာ နေရာယူထားတဲ့ ငွေတောင်ရွာလေးက မနက်ခင်း မြူမှုန်တွေအောက်မှာ ငြိမ်သက်နေသေးသည်။ တောင်စောင်းတွေမှာ စိုက်ထားတဲ့ လက်ဖက်ခင်းတွေက စိမ်းစိုနေသည်။ ညကကျခဲ့တဲ့ နှင်းစက်တွေက လက်ဖက်ရွက်ဖျားလေးတွေပေါ်မှာ တွဲခိုနေကြဆဲ။ ရွာအနောက်ဘက် နမ့်ဟူးချောင်းဆီက ရေစီးသံတိုးတိုးလေး ကြားနေရသည်။ မနက်မိုးလင်းတာနဲ့ ရွာက လူတွေကတော့ အလုပ်ကိုယ်စီ စတင်နေကြပြီ။ အမျိုးသမီးတချို့ ရေခပ်ဖို့ ချောင်းဘက်ဆင်းသွားကြသည်။ တချို့က ထမင်းချိုင့်တွေ ပြင်နေကြသည်။ တောင်ယာသွားမယ့် လူတွေက ပေါက်တူး၊ ဓားမ၊ ခြင်းတောင်းတွေ ကိုယ်စီ ယူထားကြသည်။ ရွာထိပ်က ဆန်စက်ကြီးဆီကလည်း စက်သံတဂျိန်းဂျိန်း ထွက်ပေါ်လာသည်။ (ရွာသူရွာသားတွေ ဘဲဖြတ်သန်းဖူးတဲ့ ရိုးရှင်းတဲ့ အလှတရားလေးပါ ။ သာသာကိုာ်တိုင်ကလဲ ရွာသားပါဗျ 😁😁😁) ငွေတောင်ရွာမှာ ဦးအောင်ဝင်းရဲ့ ဆန်စက်ကို မသိတဲ့သူ မရှိ။ စပါးပေါ်ချိန်ဆိုရင် အနီးနားရွာတွေကပါ လာကြိတ်ကြသည်။ သူကြီးအိမ်ကတော့ ရွာအရှေ့ဘက် မြင့်မြင့်နေရာမှာ ရှိသည်။ သစ်သားအိမ်ကြီး။ ခြံဝင်းကျယ်ကျယ်။ အိမ်ခြံဘေးမှာ ကြက်ခြံ။🐓 အိမ်နောက်ဘက်မှာ ထန်းပင်တချို့။ ကြက်တွန်သံတွေက ဆူညံနေသည်။ အလွန်သာယာတဲ့အိမ်ကြီးနစ်အိမ်လဲဖြစ်သည်။ ....... "ဖိုးမောင်..." အိမ်နောက်ဘက်က အသံတစ်သံ ထွက်လာသည်။ အသံပိုင်ရှင်က ဥက္ကာမောင်။ သူကြီးဦးနိုင်ဦးရဲ့ တစ်ဦးတည်းသောသား။ အသက်နှစ်ဆယ့်နှစ်နှစ်။ ပညာအရည်အချင်းက ဆယ်တန်းအထိသာ ရှိပေမယ့် စာသင်ခန်းထက် ရွာလမ်းတွေပေါ်မှာပဲ အချိန်ကုန်ခဲ့သူ။ "ဗျာ ကိုကြီး" ဖိုးမောင် အပြေးရောက်လာသည်။ "ငါ့ကြက်တွေ အစာကျွေးပြီးပြီလား" "ကျွေးပြီးပါပြီ သူကြီးသား" "ဟို အနီကောင်ကို လွှတ်မထားနဲ့" "ဟုတ်" "အေး သေချာလုပ်နော် " ဥက္ကာမောင်က ကြက်ခြံရှေ့မှာ ဆောင့်ကြောင့်ထိုင်ရင်း ကြက်တောင်တွေကို သပ်ပေးနေသည်။ အဝေးက ကြည့်ရင် သူ့မှာ တာဝန်ကြီးကြီးမားမား ရှိသလို ထင်ရသည်။ ဒါပေမယ့် သူ စိတ်အဝင်စားဆုံးက ကြက်တွေ။ အိမ်ရှေ့မှာတော့ ဦးနိုင်ဦးက ရွာသားနှစ်ယောက်နဲ့ စကားပြောနေသည်။ ကထိန်ပွဲအတွက် အလှူငွေစာရင်းကိစ္စ။ ရွာလမ်းပြင်ဖို့ ကိစ္စ။ ချောင်းကူးတံတားအဟောင်း ပြင်ဖို့ကိစ္စ။ ရွာသူကြီးတစ်ယောက်ရဲ့ တာဝန်တွေက နေ့စဉ် မကုန်နိုင်အလုပ်ရှုပ်နေ၏။ "ဥက္ကာ..." ဦးနိုင်ဦးက လှမ်းခေါ်လိုက်သည်။ ဥက္ကာမောင် လှည့်ကြည့်သည်။ "ဘာလဲ အဖေ" "ဒီနေ့ ရွာကလူကြီးတွေနဲ့ အစည်းဝေးပွဲရှိ အ့တာ မင်းကိုခေါ်သွားမယ်လို့" "သား ...အဲအလုပ်တွေစိတ်မဝင်စားဘူး ... ဖိုးမောင် ခေါ်သွားလိုက်ပါ..အဖေရာ" ဦးနိုင်ဦး မျက်နှာတင်းတင်းနဲ့ "ခွေးသား ဆန်ကုန်မြေလေး" "ဒီခွေးသားက ဘယ်သူသားပါလိမ့်" ဟုဆိုကာ ဥက္ကာမောင်ကတော့ မသိသလိုနဲ့ ကြက်ခြံဘက် ပြန်လှည့်သွားသည်။ ဦးနိုင်ဦးကတော့ ဒီတိုင်းဘဲကျန်ခဲ့လျက် ...... တောင်ကြီးမြို့ဘက်မှာတော့... ကားတစ်စီးက ရှမ်းကုန်းမြင့်လမ်းအတိုင်း ဖြည်းဖြည်းချင်း ဆင်းလာနေသည်။ ပြတင်းပေါက်ဘေးမှာ ထိုင်နေတဲ့ သုတအောင်က အပြင်ဘက်ကို ငေးကြည့်နေသည်။ တောင်တန်းတွေက တကယ်ကိုလှတယ် ထင်းရှူးတောတွေ ကလဲစိမ်းစိမ်းဆိုဆိုနဲ့ တောင်ယာ‌ေတွ‌ေရာ သာသာယာယာရှိပြီး သဘာဝအလှတွေက ကြည့်လိုကိုမဝဖြစ်နေ၏။ တဖြည်းဖြည်း ရင်းနှီးတဲ့ မြင်ကွင်းတွေ ပြန်ပေါ်လာသည်။ ဆယ်စုနှစ်ကျော်ကြာ ဝေးကွာခဲ့တဲ့ မွေးရပ်မြေ။ ငွေတောင်ရွာ။ သူမွေးရပ်မြေလေူကို ပြန်လာနေရပြီဘဲ... #likes #fiction #views #fyp - @soe.htet.wai51