Әл-Фараби даңғылындағы адам өліміне әкелген жол апаты бойынша сот ісі жаңа бағыт алды – сот отырысында қаза тапқан қыздардың бірі Томиристің әкесі эмоцияға беріліп сөз сөйледі. Ер адам алғаш рет өз ұстанымын жеке айтып, өзін іс бойынша ресми түрде жәбірленуші ретінде тануды сұрады. Оның айтуынша, қызының анасымен ажырасқанына қарамастан, ол әрдайым қызының өміріне араласып, қолдау көрсетіп, қамқорлық жасап келген. Сот барысында марқұм қыздың әкесі көз жасына ерік беріп, қызының қазасынан кейінгі жағдайын еске ала отырып: «Мен үш айдан бері ұйықтаған жоқпын!» – деп айқайлаған. Сондай-ақ ол сотталушыны кешірмейтінін мәлімдеді. Бұл ретте қыздың анасы өтемақы алғаннан кейін айыпталушыға қатысты талабынан бас тартқан болатын. «Маған оның миллиондары керек емес. Маған балам керек», – деді әкесі сотта. Қаза тапқан қыздың әкесі қорғау тарапының өзіне сотталушының отбасы ақша бергені немесе олардың тарапынан қысым болғаны туралы мәлімдемелерін де жоққа шығарды. Жауап алу аяқталғаннан кейін сот оның өтінішін қанағаттандырып, ресми түрде жәбірленуші деп таныды. Еске салайық, адам өліміне әкелген жол-көлік оқиғасы 21 наурыз күні Әл-Фараби даңғылында болған. Апат салдарынан үш жас көз жұмды. Айыпталушы электрокар жүргізушісі қайғылы оқиғаға көліктегі техникалық ақау себеп болуы мүмкін екенін айтып отыр. - @kyn.kz_