Ең көңілімнен шыққан синнабон рецептісі Тоқаш даршынмен (булочка с корицей) 🌷 📌 Қамырына: • Жылы сүт – 250 мл • Қант – 90 г • Тұз – 1/3 ш.қ. • Жұмыртқа – 2 дана • Сары май – 90 г • Ашытқы – 8 г • Ұн – 600 г 📌 Салмасына: • Даршын – 15 г • Қант – 120 г • Сары май – 50 г 📌 Крем: • Сүзбелі ірімшік – 250 г • Қант ұнтағы – 80 г • Сары май – 70 г Дайындалуы: Жылы сүтке ашытқыны салып, жылы жерге қоямыз. Егер бетінде көпіршіктер пайда болса, ашытқыңыз жұмыс істеп тұр деген сөз. ☺️ Үстіне тұзды, жұмыртқаны және ұнды аз-аздан қосып, жұмсақ қамыр илейміз. Қамыр қолға аздап жабысқақ болуы керек. Аз мөлшерде сары май қосып, тағы илейміз де, жылы жерге қойып көтерілгенін күтеміз. 🌷 Салмасы үшін қант пен даршынды араластырамыз. Қамырды жайып, үстіне бөлме температурасындағы сары майды жағамыз. Даршын мен қант қоспасын сеуіп, видеодағыдай орап кесеміз. Пішінге салып, тағы 15 минут көтереміз. Үстіне аздап сүт құйып, алдын ала қыздырылған пеште 180°C-та шамамен 20 минут пісіреміз (пешке байланысты уақыт өзгеруі мүмкін). Крем үшін сүзбелі ірімшікті, қант ұнтағын және бөлме температурасындағы сары майды миксермен араластырамыз. Дайын тоқаштардың үстіне жағып шығамыз. Дайын! 🫠 Ас болсын! 🌺 #булочкаскорицей #синнабон #рецепт #үйдежасаймыз - @guljarkin_turmahanbet