MAXAAD II LUGAYNAYSAY HADDAD IGA TEGAYSO? Maxaad ii lugaynaysay waddooyin aanan kaligay mari karin, haddad maanta iga tegayso adigoon dib u eegayn? Maxaad qalbigayga ugu sawirtay mustaqbal qurux badan, hadday sawirradii oo dhan maanta burburayaan? Waxaan kuu ahaa qof ku jeclaa si daacad ah, aan ka daalin ku sugitaankaaga, aan ka daalin rumaynta erayadaada. Laakiin maanta waxaan garwaaqsaday in jacaylka qaar uu noqdo sheeko aan dhammaadkii loo qorin sidii la filayay. Waxaad i bartay farxadda, laakiin sidoo kale waxaad i bartay murugada. Waxaad i bartay rajada, laakiin waxaad kaloo i bartay sida rajadu u dhaawacdo marka ay rumoobi waydo. Habeennada qaar xusuustaadu way i soo booqataa, waxaan dib u milicsadaa maalmahii aynu wada qosli jirnay, erayadii aynu is dhaafsan jirnay, iyo ballamihii aynu wada dhisan jirnay. Markaas ayaan qalbigayga weydiiyaa: "Haddii tegitaanku kuu qornaa, maxaad ii lugaynaysay?" Ma aha inaan ku necbaaday, mana aha inaan ku illaaway. Laakiin waxaan ka murugaysanahay kalsoonidii aan ku siiyay, iyo waqtigii aan kuu huray anigoo aaminsan in aanan kali noqon doonin. Noloshu waxay i bartay in dadka qaarkood ay ku yimaadaan sidii roob lagu diirsado, laakiin ay ku tagaan sidii dabayl wax walba qaaday. Waxay kaa reebaan xasuus aan duugoobin, iyo qalbi muddo dheer bogsanaya. Maanta haddii aad iga fogaatay, waxaan isku dayayaa inaan aqbalo xaqiiqada. Inkastoo xanuunku jiro, waan ogahay in maalin uun ay xasuustu degganaan doonto, qalbigayguna uu baran doono nolol aan adiga kugu xirnayn. Laakiin ilaa maalintaas la gaadhayo, hal su’aal ayaa mar walba qalbigayga ku soo noqnoqon doonta: MAXAAD II LUGAYNAYSAY, HADDAD IGA TEGAYSO? 💔 Waxaa laga yaabaa inaanan jawaabteeda helin, laakiin raadkeeda qalbigayga ayaa weligiis xambaarsan doona. Waxaana mar kasta xasuusan doonaa in dhaawaca ugu weyn aanu ahayn tegitaanka laftiisu, balse uu yahay rajadii lagu siiyay qof aan joogitaan kuu qorin.😭💔#Dareen #foryou #somalitiktok - @wacan591