لو انتي حامل في الشهر التاسع اسمعيني كويس .. ممكن الفيديو ده يعملك صدمة عمرك يا إما ينور لك حاجة .. مع اخر ٣ شهور في الحمل وأنا ابتدى يجيلي panic attacks وبيجيلي أحلام مفزعة والتوتر بقى في أعلى مراحله وما كنتش فاهمة قد إيه الحمل ليه تأثير نفسي زي ما هو ليه تأثير جسدي وما كنتش عارفة إزاي أتعامل مع الموضوع ده وكانت نفسيتي سيئة جدا وكانت علاقتي بجوزي وبأهلي وبكل الناس اللي حوالي كانت صعبة جدا .. لأني ما كنتش فاهمة أنا بمر بإيه ومش قادرة أشرح لهم أنا بمر بإيه .. وكل ما أجي أقول لحد حاجة يقولولي ده طبيعي دي هرمونات هو ده الحمل وأنا الوحيدة حاسة لا مش لازم يبقى الموضوع صعب و تقيل اوي كدا فيه حاجة غلط .. أكيد أنا بمر بمشكلة و كان بادئ معايا من بداية الحمل بس مكنش صعب اوي كدا و انهارت خلاص في آخر تلات شهور ما كنتش قادرة أستحمل .. لحد ما سمعت حلقة podcast دكتور مادونا بتتكلم فيها عن التوكوفوبيا أو الخوف من الولادة وبجد مجرد ما سمعت الحلقة دي وحياتي كلها تغيرت لأن أنا دخلت كلمتها على الإنستجرام وقلت لها دكتور اللي بتقوليه ده أنا تقريبا بمر بيه !! فهي كانت شخص لطيف جدا ورحبت بيا و سمعتني وتكلمت معايا وحجزت معاها على الرغم من إن هي أصلا قاعدة في دبي وأنا في مصر بس شرحتلي أنا بمر بإيه وشرحتلي إيه أسبابه وشرحتلي إزاي أقدر أتعامل معاه.. وبجد حقيقي حقيقي أنا كان نفسي أعرف ده من بدري جدا وكان نفسي أفهمه وحاسة إن حملي كان يبقى مختلف تماما لو أنا كنت فاهمة إن عندي حاجة زي كده .. فالفيديو ده للبنات وللستات اللي بتمر بحاجة شبه دي أنت مش لوحدك أنت عندك حاجة اسمها توكوفوبيا أو خوف من الولادة ودي حاجة مثبتة علميا وموجودة طبعا مش أنا الشخص اللي أقدر أتكلم عنها من وجهة نظر الطب النفسي بس أنا بتكلم كتجربة شخصية وحبيت أشارككم بيها زي ما بشارككم كل مشاعر الحمل ورحلة الحمل كاملة♥️ وإن شاء الله أكمل في فيديوهات جاية لو عندكم أي أسئلة حابين أجاوب عليها أو دكتور مادونا تجاوب عليها اكتبوها لي في الكومنتس وادعولي أنا والبيبي نقوم بالسلامة ♥️ #الحمل #tokophobia #خوف_من_الولادة #pregnant #momtobe - @afkarmohamed8