علاقتهم ... ويسوه مُنى ماه عاطيتو ليد اگبال يغير امللي ماه راخيتهالو ... تتكلم معاه وقت وأوقات تحلقو ... وهو بعد ذاك عندو اعسل يسوه شگدو هو بعد كافيه ... ---------- عاگب صلاة العصر ... فلمسيد جاو الرجالة اعمام كابر وجماعة ثانية من القبيلة وعدلوا عقدهم فلمسيد بحضور بوها هي واخوتها واولاد عم عندها .... والا الين خاظو الرجالة من المسجد شافوهم اشويبات اللي مذالهم وشركات لهم وگيمو راجعين للدار اللي اگريبة وگالولهم عن العقد اخلگ ... وگامو ازغاريت والتعمار وارگيص واتلاو لعليات يديرو الحنة ل لمينة اللي شعورها ذاك الوقت ماتوصفه ... تخيلي تبغي حد 8 سنوات مزلتي تيشيرت وحنكتي بعزتو كادنك... وتعرفي فيه ياسر من شي صالح ومن التكبرة بيك وگلة حگرتك وتنعات لك العزة باط ياربنا ... وعاگب ذا فر من الصبر اليوم عدتي احلالو ولاهي اتروحيلو وتسكني معاه ... الين دارولها لعليات الحنة خاظو عنها وخاظو مللي منات خالتها وبگات معاها الا العزة ... گفلت اعليهم الباب وگاتلها تكشح عن وجهها ... كشحت لمينة عنها وغاارگة فادموع...انخلعت العزة بيهللي ماگط شافتها تبكي وهومه رابيات لبلد ... العزة: ذو ياك ادموع الفرحة ... وحازت شورها تذرع لها ... لمينة: ادموع الخوف ،خايفة من ذا اللي مقبلة عليه ،خايفة من الناس الجايتهم مانعرفهم ،الا مابغاوني؟ ايلا عادو انساب كارهيني ؟ تعرفي عني مانگد نعيش ذاك النوع ولانگبله ... العزة : ما ايگدو كون يبغوك يطيرهم يغير الا حاولي انتي امللي تغييري من نمط الكنتي معدلالنا ،لنساب يوعه حد معاهم الفجر ويمرگ بيته ،ولايرگد سابگهم ولايدخل بيتو گدامهم ويعود يزي شي وينتر منهم گاع الهم،وبشوش اهم شي ذيك البلگة صابرين الا نحن يجازينا معيدلنا ... زادت لمينة فالبكي والعزة محاولة تسكتها ... ----------- جاو اهل لعريس رافدين الصداق ... وجبرو ياسر من اتمرحيب وحسن الضيافة ... وصداقهم كان كبير وزين وساويتو لمينة ... اجماعة الجات للعقد كانت نفس اجماعة الجات للخطبة ذيك الليلة زايدة ب اعليات ثانيات قريبات لكابر من بوه وامو ... يغير امو لغنية ماجات .... وذاك بعد اشيان عند امّاتها هي وفهمو منو ذاك الفاهمين وخالاتو هو وعماتو ذي المرة ماگدو يجبرو مبرر وعادو ساكتين وتوف ... سابك العقد ب اسبوع طلب كابر عماتو عنهم يگولو لعمو لكبير يوسف يجي يتكلم مع والدتو فذا ويقنعها عنو اكثر حد تحترمه هي وباخلاگو عندها -لدرجة عنها سمات عليه ولدها لكبير والا معتبرته كيفت خوها- واگبلها ... تمت لغنية گاعدة فهول فيدها تسبيحها ومعاها اولادها اللي مهاجرة واحد منهم ... الين ادخل يحفظو وگفو شور واتلاو يسالمو معاه وجاب لو كابر اشراب وطرحولو ... هومه بلا اخوات انگولكم الخير ... خاظ كابر ويوسف اسغير ... يوسف : لغنية انا امالك معدلتيني الا خوك اكبر منك ولاگط درتي بينا لعظام من انهار الجابك لنا ذاك المرحوم ،ايو انا اليوم جايك فغاية ونعرف عنها مُعدلة ولاگط جيتك فغاية مارگعتيهالي ... مست لغنية رهبة لايعود فاخبار عرس كابر گاتلو: اصل مُعدلة حگ شنهي؟ ... يوسف :انتي اسمعت عنك مانك گابلة ذا الامر اللي مُقبل عليه كابر اعل سبة امراد قبلية قديمة وذا مايتواسه ولاه فشرعنا ولا ديننا النبي عليه أفضل الصلاة والسلام گال <<يا أيها الناس، إن ربكم واحد، وإن أباكم واحد، ألا فضل لعربي على أعجمي، ولا لأعجمي على عربي، ولا لأحمر على أسود، ولا لأسود على أحمر، إلا بالتقوى>> وفالقرآن :[يا أيها الناس إنا خلقناكم من ذكرٍ وأنثى وجعلناكم شعوبًا وقبائل لتعارفوا إن أكرمكم عند الله أتقاكم] معناها عنا نحن ماعندنا كلام فوگ ذا ولاه من شيم الكبار ذا اللي هامك تعدلي اتقاي ربك وافرحي مع اطفيل فذي المناسبة وحظريلها ونعتيلو عنك راضية عليه ،هذا هو اللي طالب منك ولانبغيك اترديني يالمعلومة ... اسكت يوسف ولغنية اعطات زاد هي سكتة عگبت گاتلو : وافي ذاك ان شاء الله ... وادعها يوسف وخاظ وامشه بيه يوسف اسغير يلحگو للدار ... ادخل كابر اعل امو اللي وجهها كان ينگش من النار بيها الغضب والشدادة ... لغنية : جايب عمك لاش؟ الين عدت انا كاع ماتليت علاقتهم ... ويسوه مُنى ماه عاطيتو ليد اگبال يغير امللي ماه راخيتهالو ... تتكلم معاه وقت وأوقات تحلقو ... وهو بعد ذاك عندو اعسل يسوه شگدو هو بعد كافيه ... ---------- عاگب صلاة العصر ... فلمسيد جاو الرجالة اعمام كابر وجماعة ثانية من القبيلة وعدلوا عقدهم فلمسيد بحضور بوها هي واخوتها واولاد عم عندها .... والا الين خاظو الرجالة من المسجد شافوهم اشويبات اللي مذالهم وشركات لهم وگيمو راجعين للدار اللي اگريبة وگالولهم عن العقد اخلگ ... وگامو ازغاريت والتعمار وارگيص واتلاو لعليات يديرو الحنة ل لمينة اللي شعورها ذاك الوقت ماتوصفه ... تخيلي تبغي حد 8 سنوات - @nahaa70