#oromootitok♥️💚♥️✊ oromoo tiktok Mudannoo gaddisiisaa! Daa'imni suuraa isaa agartan Kun Khaalid ja'ama. Haadha isaatii fi obbaleeyyan lama wajji Magaalaa Shaggar, kutaa Magaalaa Xaafoo jiraata. Abbaan isaaa jaartii biraa wajji bultii ijaaree Magaalaa Jigjigaa waan jiraatuuf Khaalid fi obbaleeyyan isaatiis haadhumaatu rakkatee jiraachisa. Seenaan Khaalid Kan akkaan miira namaa xuquudha. Khaalid barataa kutaa 8ffaa yoo tahu osoo inni qormaata kutaa 8ffaa (Ministry) tiif qophaawaa jiruu haati isaa dingata duraa dhukkubsatte. Dhukkuba haadha isaa tanaan abdii yeroo muru agarraan “Ani maalillee yoon tahe, barnoota itti laffaatee asiin geesse hadaraa akka qoramuu hin dhiisne waadaa naaf seeni” jatteen, haati isaa. Kaalid garuu waadaa kana seenuun hedduu itti ulfaate. “Akkamitti waadaa seena?!” “Waadaa seenee guyyaa qormaanni kennamu haati isaa yoo duutehoo?!” Garuu Haati isaa boochee Isa kadhannaan imimmaan harmee isaa arkuun itti ulfaatee “Tole, Niin qorama” jachuun waadaa seeneef. Kan akkaan sirifachiisu qormaanni ministry kennamuuf sa'aan muraasni yoo hafu, haati isaa duniyaa gabaabduu tanaan nagayatti jatte. 😭 Kan namoota hedduu rifachiisee fi dinqisiise murannoo isaati. Reefka haadha isaa Manatti dhiisee ija imimmaaniitiin kutaa qormaataa seene. Qormaata sa'aa duraa dhiibbaa xiinsammuu hamtuun qoramee, akkuma raawwateen gara manaa qajeele. Galee reefka haadha isaa awwaallatee qormaata sa'aa boodaatiif gara iddoo qormaataa deebi'ee, qorame! Seenaan Khaalid Kan nama hedduu ajaa'ibsiise, niis rifachiiseedha. Ilma waadaa haadhaa galmaan gahu Rabbiin isahaa godhu! - @fatu.skin.care.kw