@son356657: Single Mother တစ်ယောက်နဲ့ ချစ်ကြိုက်မယ်ဆိုတဲ့ အမျိုးသားတွေကို ပြောချင်တာက… Single Mom တစ်ယောက်ကို တကယ်စိတ်ရင်းနဲ့ ချစ်နိုင်မှ၊ သူ့ရဲ့ ရင်သွေးလေးကို ကိုယ့်သားသမီးလို တန်ဖိုးထားနိုင်မှသာ ပတ်သက်ယူသင့်ပါတယ်။ ကိုယ်က တာဝန်မယူနိုင်ဘူး၊ တန်ဖိုးမထားနိုင်ဘူးဆိုရင် ဘယ် Single Mom ကိုမှ မထိခိုက်ပါနဲ့… မဖျက်ဆီးလိုက်ပါနဲ့။ ရခဲလှတဲ့ လူ့ဘဝမှာ ယောကျာ်းကောင်း မဖြစ်နိုင်သေးရင်တောင် ယုတ်ညံ့တဲ့ လူတော့ မဖြစ်သင့်ဘူးမလား။ Single Mom အများစုက အပြင်မှာ သန်မာနေသလိုပဲ မြင်ရပေမယ့် အတွင်းစိတ်မှာတော့ စိတ်အားငယ်တတ်ကြတယ်… အချစ်ခံချင်ကြတယ်… အရမ်းလည်း အတွေးများတတ်ကြတယ်။ ဒါကြောင့် သူ့ဘဝထဲ ဝင်လာမယ့် အမျိုးသားတစ်ယောက်အနေနဲ့ “ငါ သူ့အတွက် ဘယ်လောက်ထိ စိတ်ပိုင်းဆိုင်ရာ လုံခြုံမှု ပေးနိုင်မလဲ” ဆိုတာကို အမြဲတွေးပေးတတ်ရမယ်။ ကိုယ်က အမျိုးသမီးတွေကို မလေးစားတတ်ရင်တောင် ကိုယ့်ကို မွေးပေးခဲ့တဲ့ မိခင်တစ်ယောက်ကလည်း အမျိုးသမီးပါပဲ။ ဒါကြောင့် ဘဝကံအကြောင်းမလှတဲ့ အမျိုးသမီးတစ်ယောက်နဲ့ ပတ်သက်မယ်ဆိုရင် တကယ်ချစ်တဲ့စိတ်နဲ့မှ ပတ်သက်ပါ။ မဟုတ်ရင် သူတို့ရဲ့ နာကျင်မှုတွေထဲ ထပ်မဖြည့်ပေးပါနဲ့။ နောက်တစ်ခု ပြောချင်တာက… တချို့အမျိုးသားတွေဟာ ကိုယ့်ရဲ့ စိတ်ဒဏ်ရာတွေ၊ မွေးရာပါ မကောင်းတဲ့စိတ်ဓာတ်တွေကို အမျိုးသမီးတွေအပေါ် ထပ်ဆင့်ပုံချတတ်ကြတယ်။ ကဲ့ရဲ့တယ်… အပြစ်တင်တယ်… နာကျင်အောင်လုပ်တတ်ကြတယ်။ Single Mother တစ်ယောက်ကို ချစ်မိတဲ့အခါ ပတ်ဝန်းကျင်က “လှည်းကျိုးထမ်းတဲ့နွား” ဆိုပြီး ဝေဖန်ကဲ့ရဲ့လာနိုင်တယ်။ ဒါပေမယ့် လူတွေရဲ့စကားထက် သူမရဲ့ မျက်ရည်တွေကို ပိုနားလည်ပေးပါ။ သူမဘဝကို နွေးထွေးပေးပါ… သူမနဲ့အတူ ပါလာတဲ့ ရင်သွေးရတနာလေးကို ကာကွယ်ပေးပါ… ပထွေးဆိုတဲ့ နေရာကို ကြောက်စရာ လူတစ်ယောက်အဖြစ် မဟုတ်ဘဲ ကလေးအတွက် လုံခြုံရတဲ့ အိမ်တစ်လုံးလို ဖြစ်အောင် နေထိုင်ပေးပါ။ သွေးမတော်ပေမယ့် မေတ္တာနဲ့ချစ်ပေးနိုင်တဲ့ ယောကျာ်းတစ်ယောက်က တကယ့် “ဖခင်ကောင်း” ဖြစ်နိုင်ပါတယ်။ သူမရဲ့သားသမီးကို ဖခင်တစ်ယောက်လို ကာကွယ်ပေးပါ… သူမအားကိုးရတဲ့ လူတစ်ယောက်အဖြစ် ရှင်သန်ပေးပါ… အိမ်ထောင်ဦးစီးကောင်းတစ်ယောက်အဖြစ်လည်း ပြုမူနေထိုင်ပေးပါ။ အခုနောက်ပိုင်း ပထမအိမ်ထောင်မှာ မသာယာခဲ့သမျှ ဒုတိယအိမ်ထောင်မှာ သာယာပျော်ရွှင်နေကြတဲ့သူတွေ အများကြီးရှိပါတယ်။ အိမ်ထောင်ရေးကံဆိုတာ လူတိုင်းမတူညီကြဘူး။ ဒါကြောင့် ကိုယ်နဲ့ ပတ်သက်လာမယ့် Single Mom တစ်ယောက်ရဲ့ ရင်သွေးလေးကိုလည်း မေတ္တာနဲ့ ပြုစု ပျိုးထောင်ပေးတတ်မယ်ဆိုရင် အဲ့ဒီကလေးဟာ နောင်တစ်ချိန်မှာ လိမ္မာတဲ့သားသမီးကောင်းတစ်ယောက်၊ ကျေးဇူးသိတတ်တဲ့သူတစ်ယောက် ဖြစ်လာနိုင်ပါတယ်။ တချို့အိမ်ထောင်တွေဆို Single Mom တစ်ယောက်နဲ့ တွေ့ဆုံပြီးမှ ပိုသာယာတဲ့ မိသားစုဘဝကို တည်ဆောက်နိုင်ကြတာတွေ အများကြီးရှိတယ်။ ခေတ်ကာလက တစ်နှစ်ထက်တစ်နှစ် ပြောင်းလဲတိုးတက်လာသလို ချောမောလှပတဲ့ အမျိုးသမီးတွေကလည်း ပိုများလာတယ်။ ဒါပေမယ့် စိတ်မယိုင်ဘဲ ကိုယ်ချစ်ရတဲ့ အမျိုးသမီးတစ်ယောက်အတွက် ယောကျာ်းကောင်းတစ်ယောက်အဖြစ် ရပ်တည်ပေးနိုင်ဖို့က ပိုအရေးကြီးတယ်။ အားလုံးပဲ ကိုယ်ချစ်ရတဲ့သူအတွက် လုံခြုံမှု ပေးနိုင်တဲ့ ယောကျာ်းကောင်းတွေ ဖြစ်ကြပါစေဗျာ🌼#မူရင်းကိုcrdပေးပါတယ်#ပြည်ပရောက်လူငယ်💔#အမျိိုးသမီးများကိုတန်ဖိုးထားတက်ကြပါစေ#fypシ゚viral

𝙻𝚒𝚗 𝙺𝚑𝚊𝚗𝚝 𝙼𝚊𝚞𝚗𝚐

Open In TikTok:

Region: LA

Saturday 20 June 2026 03:07:22 GMT