@yshr252401e: الرضا يا بنات ما كلمة ساي أنا راضية بنفسي، راضية بشكلي، راضية بظروفي ما بقارن روحي بزولة، ولا بجلد ذاتي على شي فات بعرف إنو ربنا ما بنسى زول، وكل زولة عندها قسمة مكتوبة باسمها لو اتأخرت علي، فـ أكيد الجاي أحلى وأكبر راضيـة ببيتي البسيط، بضحكتي القليلة، بخطوتي البطيئة لأنو المهم ما السرعة... المهم أوصل وأنا مرتاحة راضيـة بتعب الأيام، عشان عارفة بعد العسر يسر وبعد الدمعة ضحكة، وبعد الصبر جبر خاطر يبرد القلب وانتي كمان يا أختي، أرضي بنفسك أرضي بتفاصيلك، بخشمك البتضحكي بيهو، بعمرك، بوزنك، بقصتك ما تخلي كلام الناس ينقص من قيمتك انتي كاملة، وانتي حلوة، وانتي بستاهلي الرضا قبل أي شي الرضا ما معناها نقيف... لا الرضا معناها نسعى ونحنا مرتاحين نحلم ونحنا واثقين نقع ونقوم ونحنا مبتسمين، عشان عارفين ربنا شايفنا يلا نتعاهد سوا يا بنات نختار الرضا كل صباح نصحى ونقول: الحمدلله على أنا، والحمدلله على عندي لأنو الزولة الراضية، هي الزولة الغنية والله وغنانا في قلوبنا، وفي رضانا، وفي أخوتنا مع بعض أرضي... عشان الرضا مفتاح كل باب مقفول وأرضي... عشان الجاي كله خير، بس للزولة الصابرة الراضية

Sa7ar💅♥️

Open In TikTok:

Region: SD

Saturday 20 June 2026 08:18:50 GMT