ဟိုတုန်းကဆိုရင် ဘယ်အရွယ်မှာ ဘာလုပ်မယ် ဘဝကို ဘယ်သူတွေနဲ့ ဘယ်လို ခရီးဆက်မယ် ဘယ်အချိန်မှာ ဘာဖြစ်ချင်တယ် ဆိုတဲ့ အတွေးနဲ့ စိတ်ကူးအိမ်မက်တွေ မက်ခဲ့တယ်။ ဒါပေမယ့် တကယ့်လက်တွေ့ ဘဝ”ထဲမှာ အရွယ်ကလည်း ဆန္ဒကို မေ့ခိုင်းသလို ဆန္ဒတွေကလည်း အရွယ်ကို မစောင့်ခဲ့ဘူး။ အဲဒီလိုနဲ့ ရင့်ကျက်ဖို့ အချိန်ကရောက်လာခဲ့တယ် လူတိုင်း လူတိုင်းရဲ့ ဘဝမှာ မကြုံချင်လည်းကြုံတွေ့ရတဲ့အရာက အဆိုး လောကဓံ"လှိုင်းတွေ ဂယက်ထပြီး ဒုက္ခ တရားနဲ့ ရင်ဆိုင်ရတာပဲ ဖြစ်မယ်ထင်တယ်။ လက်မခံနိုင်လောက်တဲ့ အဖြစ် အပျက် တွေ ခံနိုင်ရည်ထက် ပိုလာတဲ့ လောကဓံ” လှိုင်းတွေ တရိပ်ရိပ် တိုးဝင်လာတဲ့ စိတ်ဒဏ်ရာတွေ အရာအားလုံးဟာ ကိုယ့်ကို ဖျတ်ရိုက်သွားတယ်။ လောကဓံ"ရဲ့အလိုကျ တခဏတော့ ခေါင်ငိုက်စိုက် လဲကျ ခဲ့ပေမယ့် ငါမဖြစ်မနေ ရှေ့ဆက်နိုင်ရမယ် ဆိုတဲ့ မာန်နဲ့ ကိုယ့်ကိုယ်ကိုယ် ပြန်လိုက်ရှာ ခဲ့ရဖူးတယ်။ ဘဝ"ထဲမှာ ဘယ်လောက်ခက်ခဲနေပါစေ ငြင်းဆန်ခွင့် မရှိတဲ့ အရာတွေ ကြုံခဲ့ဖူးသလို လွယ်လွယ်နဲ့ အဆုံးသတ်ကို လက်ခံလိုက်ဖို့ မဖြစ်နိုင်ဘူး ဆိုတာလည်း သိလာတယ်။ ထပ်တူမကျတဲ့ ချစ်ခြင်းမေတ္တာတွေရယ် ဆုံပြီးမှ ပြန်လွဲချော်သွားတဲ့ ကံတရားရယ် နာကျင်ပြီးမှ ပိုမာကြောလာတဲ့ နှလုံးသားရယ် ငိုပြီးမှ ပိုပြုံး ပိုပျော်ရွှင်လာခဲ့တဲ့ သူ တွေရယ် ဒီကမ္ဘာထဲမှာ ရှိနေဆဲ ရှိနေအုံးမှာ ပါဘဲ" ဘဝ ”ဟာ နွေးထွေးမှု အရသာ ပါမှ ရှင်သန်ဖို့ အခွင့်ရေး ရှိလာတာ မဟုတ်ဘူး။ ရင့်ကျက်ဖို့ လိုလာရင် ရင့်ကျက်အောင်နေပြီး မတန်တာတွေနဲ့ ယှဥ်မမိုက်ဘဲ ရှင်သန်နေဖို့ပါပဲ။ - @user8822655621625