@eng_dhya_: تسجلت بالمدرسة بعمر 5 سنوات وجنت كل سنة اطلع فارس الصف لأن جان اكو منافس ابن المعلمة يخلونه هو القدوه رغم هو مو اشطر مني وكملت الابتدائية بعمر 11 سنة وقدمت عالمتوسطة واخذت هاي الصورة وبعد هاي الصوره خلصت مرحله الطفوله وصارت حياتي عباره عن شغل مع والدي وهملت دراستي ومحد جان ينصحني وجنت محتاج النصيحه بوقتها ورسبت اول سنة وماجنت ضايج لان شعور جديد مااعرف شعوره الا لمن رسبت بعد سنة وبعدها مايصير اداوم صباحي وحولت مسائي وهنا صرت افهم شنو مصلحتي وعرفت اهلي مايهمهم رسبت او نجحت ولحد الان مااعرف ليش ...وبالمسائي ضليت بس ادرس ونجحت ودرست سنة على سنة انجح دور اول وصرت بالاعدادية ودرست رابع عام ونجحت لحين السادس ادخل بكالوريا وما امتحن كل المواد وعدت اكثر من سنة وحتى اتغيرت كل المواد رغم اني حافظ اغلب المواد بس گدرت ادرس كلشي وحدي من جديد ونجحت ودخلت كلية هندسة وجنت ضعيف كلش وبلشت اشتغل بالجيم واتمرن بيها وادرس وتحول وزني من 59 الى 90 وتحول شغلي من عامل بقاعة الى مدرب والحمدلله گدرت اكمل الكلية واحصل تعيين بعد التخرج وگدرت افتح مشروعي الخاص مكملات غذائية وسميته DNA للمكملات الغذائية واستقرت حياتي وان شاء الله تترتب اكثر بعد واتزوج الانسانة الي تتمناهه روحي 💜

eng-_-dhya

Open In TikTok:

Region: IQ

Saturday 20 June 2026 11:46:15 GMT