အရွယ်လေး ရလာတော့ စိတ်ချမ်းမြေ့ဖို့ကို လိုလိုလားလား တောင့်တ မိတယ်။ ဘဝဟာ ဘယ်လို ဖြစ်မယ်ဆိုတာ ဘယ်သူမှ မသိနိုင်တော့ လက်ရှိ အချိန် လှပဖို့ထက် နေဝင်ချိန် လှပဖို့ အရေးပါမှန်း သိလာတယ်။ အချိန်မရွေး ကြွေလင့်တတ်တဲ့ သင်္ခါရ သဘောတရားတွေကြောင့် အစွဲတွေကို မစွဲလမ်းအောင် ကိုယ့်စိတ်ကို ကိုယ်ပြန်ပြီး သတိပေးသင့်ပြီ။ ကိုယ့်ကိုယ်ကို အမြဲတမ်းပျော်ပျော်နေရဖို့တော့ ကြိုတွေးမထားပါဘူး။ ဘဝဟာ ပျော်ပျော်နေဖို့ထက် လေးလေးနက်နက် အဓိပ္ပါယ် ရှိရှိ နေသွားဖို့အရေးကြီးပါတယ်။ တစ်ဦးနဲ့တစ်ဦး ဆုံဆည်းခွင့် ရှိသလို ခွဲခွာခွင့်လည်း ရှိကြပါတယ်။ ကိုယ်နဲ့ပေါင်းသင်း ဆက်ဆံ နေသူတွေအပေါ်မှာ သံသယ စိတ်မျိုး မထားခဲ့ပါဘူး။ လူတိုင်းကို မယုံကြည်ပါနဲ့လို့ ဆိုကြပေမယ့် ကိုယ့်အပေါ် အမှားလုပ်ကြသူတွေကို အပြစ်မယူပါဘူး။ သူတို့ သမိုင်းသူတို့ ဖန်တီးနေကြတယ် ဆိုတာ ယုံကြည်နေလို့ပါ။ တစ်ဘဝ ခဏတာလေးမှာ တွေ့တုန်း ဆုံတုန်း အပြုံးနဲ့ကြိုပြီး အတူရှိတဲ့အချိန်လေးတွေမှာ စိတ်ရင်းအမှန်နဲ့ ရယ်ချင်မောချင်တယ်။ အချိန်အကြာကြီး နေပြီး အမုန်းတရားနဲ့နေမယ့်အစား ကြည်ကြည်သာသာနဲ့နေရတဲ့ အခိုက်အတန့်တွေကို ပိုမြတ်နိုးတယ်။ ဘဝရဲ့နောက်ဆုံးအချိန်အထိ သောကကင်းဝေးပြီး ချမ်းမြေ့သာယာသော ဘဝကိုပိုင်ဆိုင်ချင်တယ်။ လောကဓံကို ခံနိုင်ရည် စွမ်းအားနဲ့ အံတုနေမှာပါ။ #258ms🍀 #foryou #foryoupage #စာတို #fypシ - @tharsharrhtetk0