عندها 24 سنة واقفه في حالها علي مشروعها البسيط عربية شاي وقهوة علي طريق شارع الجيش بحدائق الأهرام، بتوقف كل يوم بالـ 12 ساعة بتسترزق منه علشان تلاقي 200 ولا 300 جنية تصرفهم علي نفسها وتساعد أهلها , هدير النهاردة الصبح كانت واقفه مع صاحبتها عالعربية بيحكوا وبيهزروا ومرة واحدة وفي ثواني تيجي عربيه ملاكي مسرعة راكباها عيله عندها 15 سنة ومعاها شاب راكب جنبها وتخبطهم بقوة شديدة جدا لدرجة ان هدير توفت في الحال ومنظر جـ.ِـثتها كان صعب جداااا , أيديها ورجليها ووشها متكـ..ـسرين ومتقـ..ـطعين بشكل بشع وأصيبت صاحبتها بكدمات وكسور متقدمة , بس كان فيه ناس واقفه علي جنب وماشين عالطريق شاافوا الي حصل بعنيهم ونزلوا , ولكن منهم كان فيه سيدة شجاعة وأصيله نزلت وكانت بتبكي علي المنظر الي شافته وهدير بتطير في الهواء ، وبتقول للبنت قـ..ـ تـ ـلتيها يا مجرمة! حرام عليكي! انتي ازاي تسوقي اصلا وأنتي في سنك ده وممعكيش رخصه حرام حرام عليكي وفضلت تصورها! تخيل رد فعل البنت كان ايه؟ طبعا كانت خايفة ومرعوبة؟ لأ .. طب قال مش قصدي وأعتذرت؟ لأ.. أنهارت من العياط؟؟ لا ولا حاجه من دي ، القذرة دي كانت واقفة بكل تناكه حاطه أيديها في جيوبها ولما الست زعقت فيها طلعتلها لسانها وعملتلها حركة الميدل فينجر🖕🏻والواد الي معاها بيقولها سيبك منها أنتوا مش مستوعبين صح وبتقولوا بهول؟! أقسم بالله ده إلى حصل والست وقتها أنفجرت من الغضب فيها وقالتلها بطلعي لسانك ومش هامك! انتي ازاي مش متربيه كده؟ الجحود ده جيباه من فين؟؟ ده انتي لسه مموته بنت غلبانه شقيانه علي أكل عيشها وواقفه بعربيتها علي جنب وبعيد عن العربيات وفضلت تصورها لحد ما وصلوا أهل البنت وكانوا بيعتذروا للناس وقالوا أن هما متكفلين بأي تعويضات وبعدها جت الإسعاف ونقلت جثة المسكينة اليتيمة هدير وصاحبتها الي حرفيًا كانت متدمرة، والشرطة والمرور الي شالت عربيه هدير أو أخر ما تبقي منها! هدير كانت بتساعد نفسها وأهلها وبتشتغل بالحلال علشان تلاقي تعيش , النهارده هدير راحت للي خلقها ود.. مها راح هدر علشان خاطر واحده معندهاش أي احساس بالمسؤوليه . - @_hassanin