@pomegranates_9: الموضوعات التي يتناولها تركي في اشعاره دائمََا توصف الصوت الداخلي للشخص مشاعره أفكاره تساؤلاته ومحال انها توصل للشخص المعني أو انه يقدر يعرف اللي في قلبه ، يستمر في وصف مشاعره تصوراته وجعه لكن يصر بأنه ما ياخذ خطوة المبادرة أو انه يكشف نفسه برغم أن الكلمات غارقة في حب غير مشروط ويلغي ذاتيته لأجل اللي يحبه لكن ما يقولها ولا يصرح فيها يكتفي انه يعيش هذا الحب وهذا الغياب مع نفسه ، في أغنية نوال ما بي أكون إلا معاك في هامشك أو في سماك تجردت من ذاتها وتوحدت مع حبه لكن برغم هذا ظلت أمنيات ولا صارحت في حبها لانها استمرت تردد انها تكذب في مشاعرها وتتحجج في مواضيع عشان تتكلم معه لكن عمرها ما صرحت في مشاعرها وأغنية انت طيب تتناول نفس الموضوعات تستمع له وتسأل عنه وتنتظره وهو غارق بمشاعره مع شخص ثاني لكن حبت تكون في دور الصديقة ولا تبوح في مشاعرها وتكتفي انه بخير وتقدر تتواصل معه حتى لو من بعيد وتنتهي بالتمني لو بيدي انت محبوبي أنا ما خذاك ، وفي أغنية فزيت من نومي يستمر في ذكرياته وخيالاته معه وانه في كل لحظة يصير معه شي أو يحس بوحدة هو اول شخص يجي في باله ويكتب له لكن يتذكر أنهم ماعادوا خلان أو ماعادوا أصدقاء عشان يقدر يتكلم معه حتى لو من فترة لفترة ، وأن خجله من مشاعره يمنعه انه يعتذر ولو كان يملك القوة كان تكلم معه وعبر عن مشاعره لدرجة ترضي غروره يظل تركي له خصوصيته في عالم الشعر ولا احد يقدر يوصل لاحساسه وعمقه وقدر يعبر عن المشاعر الحزن الغربة وكيف يعيشها الشخص لحاله وان مهما بلغ الشوق مارح توصل للشخص المعني لانه يجسد الاغتراب في شعره اغتراب محال أنه ينتهي أو يحس بيوم بدفا أو بألفة #اغاني #اكسبلور #ذكرى #نوال_الكويتيه

the color of pomegranates

Open In TikTok:

Region: SA

Saturday 20 June 2026 14:25:08 GMT