مش كل مدير بيتضايق من الموظف الشاطر لانه افضل منه احيانا المشكلة الحقيقية بتبدأ لما الموظف يبقى قادر يتحرك من غير ما يرجع لمديره في كل تفصيلة يعرف المعلومة يفهم الصورة كاملة يحل المشكلة يبني علاقاته جوه الشركة ويكون عنده رأي مستقل هنا المدير القوي بيشوف نتيجة شغله انا بنيت شخص يقدر يشيل مسؤولية لكن المدير اللي بنى قيمته على اعتماد الفريق عليه ممكن يبدأ يحس ان استقلال الموظف تهديد لمكانه فتلاقي المعلومة رجعت تتحجز عنده والقرارات لازم تعدي عليه وكل مبادرة بقت محتاجة موافقة واي رأي مختلف بقى اسمه تجاوز او تمرد المشكلة ان الاسلوب ده ممكن يدي المدير احساس مؤقت بالاهمية لكنه في الحقيقة بيبني فريق ضعيف وبطيء ومش قادر يتحرك من غير اذنه وطبعا مش كل متابعة تعتبر سيطرة ومش كل موافقة تعتبر تعطيل الفرق ان المدير الحقيقي بيراجع النتيجة ويوضح حدود الصلاحيات وبعدها يدي الناس مساحة تتحمل مسؤولية اما المدير المسيطر فعايز يفضل موجود جوه كل خطوة حتى لو وجوده نفسه بقى سبب تعطيلها القيادة مش ان كل حاجة تقف عليك القيادة انك تبني ناس تعرف تكمل الشغل صح حتى لما انت مش موجود وسؤالي لكل مدير لو اختفيت من الشغل اسبوع الفريق هيكمل لانك بنيته صح ولا كل حاجة هتقف لانك خليت نفسك البوابة الوحيدة وسؤالي لكل موظف مديرك بيديك مساحة تكبر وتتحمل مسؤولية ولا كل ما تستقل اكتر يبدأ يرجعك لنقطة الاحتياج ليه #القيادة #الادارة #بيئة_العمل #الموارد_البشرية #leadership - @walid.ahmed989