@kjoonka63: فكرة إنك من غير مقدمات بتلاقي نفسك بطريقة أو بأخرى غارق في حب زول وهو ما عارف عنك أي حاجة.. عموماً الحُب و المشاعر دي الحاجة الوحيدة الواحد ما بيقدر يتحكم فيها، فجأة كدا بتلاقي قلبك مال لشخص من غير إرادتك.. بيحصل أحياناً في الصُحبة بتلاقي نفسك فجأة بقت تظهر عندك ملامح غيرة.. و إهتمام زايد.. غالباً إعجاب... لالالالا ابداً دا حُب.. بس الحب البيدخل على الصُحبة بيخربها.. الأفضل إنو يبقى حُب من طرف واحد.. بتكون واقف في النص بين عايز تصرح بمشاعرك وبين انك تكتم في قلبك عشان تحافظ على علاقتكم لأنك وبكل بساطة م عارف الطرف التاني شعورو شنو تجاهك. في كل لحظة بكون نفسي أعبر فيها عن أحساسي بتراجع وما عارفة ليه.. العلاقه دي موذية شديد ،وانت ما بتكون حاسي بالاذى بتاعها لأنك موهوم وعايش وسط سعادة مؤقتة بس أول ما تعرف إنو الطرف التاني ما عندو ليك حاجة حتستوعب وتطلع من الوهم الكنت عايش فيهو... ما بقدر أمنع قلبي من انو يحب بس بقدر أمنع اي علاقه انا فيها الطرف البحب الناس تتعلم تصارح.. مرات بيصدف إنو نفس الطرف الإنت بتحبو ببادلك نفس المشاعر و ليهو نفس المخاوف... الحب الحقيقي ما بيخرب العلاقات.. لو لا قدر الله علاقتنا ما رست و مشت لقدام.. البينا حتفضل عامرة و الصُحبة ثابتة.. النهايات البتكون مأساوية دي بيعني إنو أصل العلاقة كان هش.. العلاقات الصحيحة طول عُمرها ما بتنتهي.. مافي ضرر من فكرة إنك تجي تصارح أول ما لقيت نفسك متأكد من مشاعرك، الحب ما عيب ولا المشاعر حاجة بتدسا.. لو الطرف التاني ما إتقبل مشاعر الحب دي يبقى خلاص.. كلو ولا الحب المبني على الأوهام. اترفضت يبقى تاخد نفسك وكل مشاعرك وتمشي أيوه أمشي لأنك ح تكون واقف في اللحظة الاترفضت فيها حتى لو قررت انو تاخد الموضوع عادي ما ح تقدر تواصل. "ياريت لو بنقدر نخلي البنحبهم يبادلونا نفس الشعور،أو نقدر نمحي حبهم من قلبنا كنا إرتحنا شوية"

𝕜𝕛𝕠𝕟𝕜𝕒🪐

Open In TikTok:

Region: QA

Saturday 20 June 2026 17:34:00 GMT