خل نسولف اهم شي اخر نقطه نسيتها ف تذكرتها هسه بعدها اضمنلك ماراح تحتاج كورسات ولا دوخه انطيك الزُبده ومن شخص متدرب مرتين بالمرحله الثالثه والرابعه وانت بكيفك بعد👇 ❇️اول شي لاتروح مركز تخصصي لأن المركز التخصصي راح تلكى الاطباء اللي توهم متعينين وهم اصلا يريدون يتعلمون لأن توهم متعينين ف تجي انت حضرة جنابك تريد تشتغل تتعلم ما راح ينطوك كيسات يعني ماراح تشتغل بأيدك لأن هم اصلا جاي يتعلمون مو نوبه يعلمونك فلذلك انصحك تروح مركز صحي او مستشفى عام وليس مركز تخصصي هناك راح تلگى اطباء ممارسين وراح ينطوك كيسات هوايه وراح تشتغل بأيدك اكثر وهنا انت لعبتها صح واستفاديت من تدريبك ❇️روح للمركز الصحي بأول اسبوع عطلة راح تلگى مجال وماكو زخم وتشتغل براحتك روح من وقت وراهه تصير زخم ويادوب تحصلك يومين بالاسبوع اتذكر اني رحت ٢٠ يوم بس اني وياي نفرين وميداومون اشتغلت كوم بيوم واحد قلعت ٧ لو ٨ اسنان يمكن ف تونست ❇️ثاني شي قبل لاتروح تتدرب اتشبع بصريا بالتالي (ادوات القلع ادوات الحشوات تكنيكات الحشوات والقلع والتخدير والسرنج وشلون تنطي بنج )واعرف المواد والاشياء حتى ماتروح اطرش بالزفه ❇️باوع مقاطع مليان النت شلون تنطي بنج وشلون تشتغل حشوات وشلون تسوي تنظيف للاسنان وشلون تقلع مليان النت مليان حتى تفتهم شنو تسوي ❇️اقرأ او راجع مادة الفارما مالتك حتى لو يوميه صفحتين او سلايدين هم يكفي اهم شي تعرف الادويه الأكثر استخداما وشوكت ما اكدر استخدمها Indications and contraindications ❇️اتعلم تسأل مو توكف يم الطبيب وانت صنم الدكتور ماراح ينطيك معلومه اتعلم انت تسحب المعلومات منه بأسألتك ولاتستحي من السؤال انت بعدك بمرحلة التعليم عادي العيب لمن تبقى ماتعرف ❇️صير جريئ بس لا ياخذك الواهس وتلزم كل الكيسات شوف اي كيس بي مجال تتعلم منه جرب واخذ الكيس اذا تبقى صافن وبارد ماراح ينطوك كيسات ❇️خليك مرتب بقيافتك لابكوتك وباجك بالصوره اللي تعكس شخصيتك ك طبيب لأن الانطباع الاول اللي ينوخذ عن الشخص من مظهره ❇️اخيرا جمعلي الاسنان اللي تقلعوهم ليش ؟حتى بالفراغ ماكو بيشنت اكعد سويلهم برب وسويلهم حشوه بمساعدة الطبيب يمك هذول مرحله رابعه اما الخامس اتعلموا الاكسس اوبننك وهم الطبيب يساعدك هاي اهم شي تقريبا⁩ #البصرة #تصوير #dent #تدريب_صيفي #tiktok - @qasim.allawi