@lajan.kaka_hama: چارەسەری ترسی کۆمەڵایەتی ترسی کۆمەڵایەتی زۆرجار لەو باوەڕەوە سەرچاوە دەگرێت کە نرخ و بایەخی مرۆڤ پەیوەستە بە قبوڵکردن و پەسەندکردنی خەڵک. بۆیە کاتێک کەسێک دەچێتە ناو دۆخێکی کۆمەڵایەتی، تەنها خەریکی گفتوگۆکردن نییە، بەڵکو هەست دەکات لە تاقیکردنەوەیەکدایە کە دەبێت خۆی بسەلمێنێت و ڕێزی خۆی بپارێزێت. بۆیە لەو کاتەدا، شەرم و دڵەڕاوکێ و ترسی ڕەتکردنەوە دروست دەبن. بۆیە، یەکەم هەنگاو لە چارەسەردا گۆڕینی ئەو بیر و باوەڕانەیە کە مێشک لەسەر خۆی و خەڵکی تر دروستی کردوون. تاک فێردەبێت کە هەڵەکردن بەڵگەی بێ‌نرخی نییە، و ڕەخنەش هەمیشە واتای ڕەتکردنەوە نییە. ئەوەی پێویستە بگۆڕێت تەنها ڕەفتارەکە نییە، بەڵکو ئەو مانەیەیە کە بە ڕەفتارەکان دەدرێت. لە هەمان کاتدا، چارەسەری ترسی کۆمەڵایەتی پێویستی بە ڕووبەڕووبوونەوەی بەرەبەرە لەگەڵ ترسەکە هەیە. چونکە هەر کاتێک مرۆڤ لە دۆخێک ڕادەکات کە لێی دەترسێت، مێشکی فێر دەبێت کە ئەو دۆخە مەترسیدارە. بەڵام کاتێک بەرەبەرە و بە شێوەیەکی ئارام ڕووبەڕووی دەبێتەوە، مێشک فێردەبێت کە زۆربەی ئەو مەترسییانەی چاوەڕوانی دەکرد تەنیا بیرکردنەوەن و ڕوونادەن. هەروەها، فێربوونی شارەزاییە کۆمەڵایەتییەکان گرنگە. زۆرجار کەسێک بەهۆی ترسەوە دوور لە خەڵک ماوەتەوە و دەرفەتی فێربوونی ئەو توانا و لێهاتوویانەی نەبووە. بۆیە ڕاهێنان لەسەر گوێگرتن و گفتوگۆکردن، دەربڕینی بۆچوون و مامەڵەکردن لەگەڵ دۆخە جیاوازەکان، ئەمە وادەکات کە مرۆڤ متمانە بەخۆی زیاد بێت. بەڵام قووڵترین ئاستی چارەسەر لەوەدایە کە مرۆڤ بگاتە ئەو تێگەیشتنە: گرنگی من پێویستی بە پەسەندکردنی هەموو خەڵک نییە. ئەگەر خەڵک حوکمم لەسەر بدەن، ئەگەر هەندێک کەس حەزیان لێم نەبێت، یان ئەگەر هەڵەیەک بکەم، ئەوانە ناسنامە و بەها مرۆییەکەم دیاری ناکەن. #hawler_slemani_dhok_karkuk_hallabja #هەولێر_سلێمانی_دەهۆک_ڕانیه_کەرکوک #viralvideo #tiktok #tiktokvira

lajan Mohammed Othman

Open In TikTok:

Region: IQ

Saturday 20 June 2026 19:50:53 GMT