@wajdi.alhakim: أكرم السعدني بيحكي ويقول: "لما سعيد صالح تعب واتنقل لمستشفى معهد ناصر، رحت أنا وعادل إمام نزوره. أول ما دخلنا الأوضة، حسيت إن الشخص اللي قدامنا مش هو سعيد اللي نعرفه. لا شكله شكله، ولا روحه روحه. وشه كان شاحب جدًا، وجسمه هزيل، وساكت على غير عادته. سعيد اللي طول عمره مصدر بهجة وضحك وحيوية، كان راقد في السرير بالكاد يتكلم. عادل حاول يخفف عنه وقال: ـ إيه يا مرسي؟ فرد سعيد بابتسامة باهتة: ـ إيه يا زعيمي؟ وبعد لحظات قال لعادل: ـ أنا تعبت يا عادل... ولازم أعمل العملية. عادل خرج وسأل الأطباء عن حالته، فقالوا إن نتائج التحاليل سيئة جدًا، لكنهم مضطرون لإجراء الجراحة. وكان عادل، لما يقلق أو يزعل، ما يعرفش يبص في عين حد. فضل وقتها يلف بعينه في أرجاء الغرفة، وكأنه بيدور على مخرج من اللي سمعه. وفجأة بصلي وقال: ـ تعالى معايا بره. خرجنا، فقال لي: ـ سعيد لو دخل العملية بكرة هيموت. اتصدمت وسألته: ـ ليه؟ قال: ـ لأن كل التحاليل بتاعته بايظة، مفيش حاجة مظبوطة. لو وافقنا على العملية بالحالة دي يبقى إحنا بنموت سعيد بعدها مباشرة مسك التليفون واتصل بشخص مهم، وقال: ـ من فضلك عايز أكلم الأستاذ علاء ، معاك عادل إمام وبعد ثواني جاله الرد قاله عادل سعيد صالح موجود في معهد ناصر وحالته خطيرة جدًا. دار بينهم كلام بسيط ، وبعدين قفل المكالمة. واتضح إن الشخص ده علاء مبارك وبعد أقل من ساعة، وصلت سيارة إسعاف مجهزة على أعلى مستوى، وتم نقل سعيد لمستشفى أكبر تتوفر فيه رعاية متطورة، وهناك تلقى اهتمام طبي مكثف وأُجريت له الجراحة المعقدة في الوقت المناسب." و وقتها الحمدلله اتحسن سعيد الله يرحمه و يغفر له ويسكنه فسيح جناته و يبارك في عمر الزعيم #سعيد_صالح #عادل_إمام #وجدي_الحكيم

Wajdi AlHakim

Open In TikTok:

Region: EG

Saturday 20 June 2026 20:02:17 GMT