አንዳንድ እውነቶች በጣም ያማሉ...ምክንያቱም ልባችን ሊቀበላቸው አይፈልግም። ከእነዚህ እውነቶች አንዱ ደግሞ ይህ ነው፦ መሄድ ያሰበን ሰው በትግላችሁ ብዛት የማታስቆሙት መሆኑን ነው አንዳንድ ጊዜ ሰውን በሙሉ ልባችን እንወደዋለን... ለእሱ እንጸልያለን... ለእሱ እንታገላለን... ለእሱ እንቀየራለን... ስለ እሱ ስንል ከራሳችን እንኳን እንቆርጣለን። ነገር ግን... ሁሉም ፍቅር የሚቆይ አይደለም። ሁሉም ትግል የሚያሸንፍ አይደለም። ሁሉም ልብ የሚቀር አይደለም። አንዳንድ ሰዎች ከመሄዳቸው በፊት በአካል አይሄዱም... መጀመሪያ ከልባቸው ይርቃሉ። የነበረው ግድ ይቀንሳል... የነበረው ፍላጎት ይጠፋል... የነበረው ሙቀት ይቀዘቅዛል... ከዚያም አንድ ቀን እኛ ገና እየታገልን ሳለን...እነሱ ቀድመው ተሰናብተው እንደነበር እንረዳለን። ልብን የሚሰብረው መሄዳቸው ብቻ አይደለም...እኛ አሁንም እየጣርን ሳለን እነሱ መወሰናቸውን ማወቅ ነው። እናም እንጀምራለን... የበለጠ ለመሞከር... የበለጠ ለመለመን... የበለጠ ለመታገል..."ምን ጎደለ?" "ምን ላስተካክል?" "ምን ላድርግ እንዲቀር?" ብለን ራሳችንን እንጠይቃለን። ግን አንድ ነገር መረዳት አለብን... መቆየት የማይፈልግን ሰው በፍቅር ብዛት ማስቀረት አይቻልም። ምክንያቱም ፍቅር እስር ቤት አይደለም። ግንኙነት ግዴታ አይደለም። ልብም በልመና አይኖርም። አንድ ሰው ሊቆይ ከፈለገ... በችግር ውስጥም ይቆያል። በጭቅጭቅ ውስጥም ይቆያል። በመከራ ውስጥም ይቆያል። ምክንያቱም የሚያቆየው ሁኔታው ሳይሆን...ፍላጎቱ ነው። እና አንድ ሰው ለመሄድ ከወሰነ... በደግነትህ ብዛት አይቀርም። በመሥዋዕትነትህ ብዛት አይቀርም። በእንባህ ብዛት አይቀርም። ምክንያቱም አካሉን ማስቀረት ትችል ይሆናል... ልቡን ግን አታስቀረውም። ሕይወት የምታስተምረን ትልቁ ትምህርት ይህ ነው፦ አንዳንድ ጊዜ መልቀቅ ሽንፈት አይደለም...ጥበብ ነው። መከተል የማይፈልግን ሰው መተው ድክመት አይደለም...ራስን ማክበር ነው። ምክንያቱም... ለመቆየት የማይፈልግ ሰው ከአንተ የሚወስደው ሰው ብቻ አይደለም፤ ሰላምህን፣ ክብርህን እና ደስታህንም ነው። ስለዚህ... የሚሄድን ሰው አታሳድድ። የማይመለከትህን ሰው አትለምን። የማይመርጥህን ሰው አትጠብቅ። አንተ የምትገባህ በልመና የሚቆይ ሰው አይደለም... በፍላጎት የሚቆይ ሰው ነው። እና ምናልባት የሕይወት ትልቁ ነፃነት... ለመሄድ የወሰነን ሰው ከማስቆም መልቀቅ ነው። ምክንያቱም... መሄድ ያሰበን ሰው በትግላችሁ ብዛት አታስቆሙትም፤ ነገር ግን እሱን በመልቀቅ ራሳችሁን ማዳን ትችላላችሁ። ይህ የእኔ እይታ ነው✍️ ቀጣይ ሌሎች እይታዎች እንዲደርስዎት የእኔ እይታን ፔጅ follow, like and share በማድረግ ቤተሰብ ይሁኑ! #foryou #fyp #viral #fypシ #viralvideo - @viewer_1221