@_takhayyul: ہر دم خیالِ جاناں، آنکھوں کے روبرو ہے دل میں میرے سما جا، مُدت سے آرزو ہےـــ صوفی کے نزدیک ہر لمحہ محبوبِ حقیقی(اللہ) کا تصور اُس کی آنکھوں میں بسا رہتا ہے اور دلی آرزو صرف محبوب کا وصال ہے۔ منصور بھی بنایا، سولی پے بھی چڑھایا اب مُجھ سے پوچھتے ہو، کیا تیری آرزو ہےـــ منصور سے مراد صوفی بزرگ حسین بن منصور حلاج ہیں۔ انہوں نے اَنَ الحق(میں ہی خدا ہوں) کا نعرہ لگایا تھا، جس کا صوفیانہ مطلب یہ ہے کہ عاشق کا وجود فنا ہو کر محبوب (خدا) کے وجود میں ضم ہو جاتا ہے۔ عاشق کو اس مقام تک پہنچانے والا اور اس کے دل میں یہ عشق پیدا کرنے والا خود اللہ(محبوب) ہے۔ سولی پر چڑھنا عشقِ الٰہی کی سب سے بڑی قربانی کی علامت ہے۔ جب تُو نے خود ہی میرے اندر اپنے عشق کی آگ بھڑکائی، مجھے منصور بنایا، اور تیرے عشق کی خاطر ہی مجھے سولی(موت اور دنیاوی آزمائشوں) پر چڑھایا، تو اب اس امتحان کے بعد مجھ سے یہ پوچھنا کہ، تیری آرزو کیا ہے؟ ہندو بھی تیرے بندے، مومن بھی تیرے بندے ایمان کی جو پوچھو، ایمان سب کا تُو ہےـــ صوفیاء کے نزدیک ظاہری مذاہب(ہندو یا مسلمان) کے راستے الگ الگ ہو سکتے ہیں، لیکن منزل اور خالق سب کا ایک ہے۔ روح کی گہرائیوں میں جاکر دیکھا جائے تو ہر انسان کی نیت، جستجو اور عبادت/پوجا کا مرکز وہی ذاتِ واحد ہے۔ ۔ ۔ ۔ #takhayyul_ #nfak_says #hajimehboobaliqawwal #sufiqawali #sufism

ثمرین خان 🌻

Open In TikTok:

Region: PK

Saturday 20 June 2026 20:28:58 GMT