@kjoonka63: و أنا كُنت ما شايف حاجة حلوة غيرها أصلاً.. في عيوني كانت هي في كفة و كل البنات في كفة.. لما شُفتها أول مرة وبقيت مركز فيها.. و شوية شوية بقيت غارق في تفاصيلها.. إشمعنى هي بالذات.. طيب جاتك فرص كتير إنك تحب ليه ما فتحت قلبك..؟ كُل الحكاية كانت لطيفة زيادة عن الباقي، في عينها العالم حاجة وردية و بتشوف الجمال في كُل حاجة.. بستغرب معقولة في ناس لسة باللطف دا.. يعني لو كوركت فيها و قلت ليها كلام ما حلو مثلاً.. حتلاقيها بتقول ليك صرخ، كورك، جعّر طلع أي حاجة في قلبك بس أياك تكتم حاجة أو تأجلها.. و أنا في كُل الأحوال جنبك.. في لطافة أكتر من كدا..؟ طبعاً لا أكيد مافي. كانت بتقرا التعابير و المشاعر.. يعني ما محتاج تصرف عربي و تحكي ليها كلام كتير.. ببساطة حتكون فاهماك سلفاً إنت عايز تقول شنو بالضبط.. بتعرف متين تكون نكدية.. و متين تكون جادة.. كانت عكس البنات.. بتنكد عليك بس بتخليك تعرف كيف تراضيها.. بتقول ليك الناس بتقول الراجل لازم يعتذر للبت حتى لو هي الغلطانة و الحاجة دي ما صح.. نحن بنكمل بعض، خليني أعرف غلطي لما أغلط و علمني أقول آسفة.. ما بهون علي أزعلك و أخليك إنت التراضيني.. ببساطة ذي ما شايف مشاعر البت حاجة مقدسة، برضو مشاعر الراجل تتشال في الراس.. نحن بنحب علشان محتاجين طرف يفهمنا من غير من نتكلم.. يمشي معانا لما كل الناس تسيبنا.. ببساطة كانت أصحابي التانيين.. و كانت أهلي التانيين.. كانت نُسخة مُصغرة من أي حاجة أنا بحبها.. إنتو شايفنها بعيونكم و أنا كُنت شايفها بقلبي.. 🫂🥺🤍

𝕜𝕛𝕠𝕟𝕜𝕒🪐

Open In TikTok:

Region: QA

Saturday 20 June 2026 22:31:28 GMT