@lion__912: كل مرة بتوجع فيها، بوعد نفسي إنو دي حتكون المرة الأخيرة وبقول: "خلاص، تاني حأبني حيطة عالية بيني وبين الناس، حأبقى زوله كعبة وقاسيه شوية، وما حأشتغل بزول، ولا حأفتح قلبي لزول!" بحاول أقنع نفسي إنو البعد أمان، والسكوت هو الحل، وإنو لو قلت مشاعري حأقدر أعيش بسلام من غير خساير؛ لكن المحاولة دي ما بتنفع معاي كتير، ولقيت نفسي ما بقدر أواصل فيها، فجأة بلقى روحي بضحك من جديد، بتكلم مع الناس بكل طيبة، وبمد إيدي كأني ما إتكسرت قبل كدة، قلبي ما بيعرف الحقد، ولا بيعرف يعيش معزول، ولا بيقدر يتداري ورا الخوف مهما حاولت أكون حريصة، طبعي الحقيقي بيغلبني.. بلقى نفسي أحن مما مفروض، وبسامح أكثر من اللازم أنا بسامح، مش لأنو الوجع كان بسيط، لا.. بسامح لأنو قلبي دة تقيل وما بيقدر يشيل كراهية وغل.. وبواصل الناس لأني ما عايزة أبقى نسخة قاسية من نفسي، وبسمح ليهم يدخلوا حياتي تاني، رغم إني عارفة إنو في أبواب لو إتفتحت بتجيب لي نفس الوجع القديم.. يمكن أنا كدة.. إنسانة راسها ناشف إتعلمت من جروح واضحة ودفء كبير، إتعلمت إنو الوجع ما بيمسحوه بالقسوة، وإنو الشفاء ما بيجي بقفل القلوب الشفاء بيجي من الإيمان بأنك لسة قادر تدي، وإنك تختار تكون لطيف حتى بعد ما يخذلوك ألف مرة.. بتألم، وبخف، وبيرجع قلبي رهيف زي ما كان، رغم إنو العالم دة قاسي وما بيشبهني يمكن أكون إتكسرت، أيوة.. لكن برفض أخلي قلبي ينسى كيف يهتم بالناس، وبرفض أعلمو القسوة بس عشان هو إتوجع ببساطة كدة، أنا بقع، وبتهان، وبخف، وبفضل مؤمنة إنو الطيبة دي ما ضعف؛ دي شجاعة ما أي زول بيقدر عليها🩷🫂 #غدار_دموعك🇬🇧912 #سودانيز_تيك_توك_مشاهير_السودان #تصميم_فيديوهات #علم_النفس_وتطوير_الذات #حب