ပုဒ်မ- ၅၀၀ နဲ့ ၆၆ဃ ဥပဒေကို လုံး၀မသိသေးသောသူများနှင့် နားမလည်သေးသောသူများအားသိရှိစေရန်ရည်ရွယ်ပါသည် ပထမဆုံးသိထားရမှာက ပါးစပ်နဲ့ပြောတဲ့ အသရေဖျက်မှုဟာ ရိုးရိုး ပုဒ်မ- ၅၀၀ ဖြစ်ပါတယ်။ အကယ်၍ ပုံနှိပ်မီဒီယာပေါ် ရောက်သွားပြီ သတင်းစာ ဂျာနယ် မဂ္ဂဇင်းတွေမှာ ပါလာပြီဆိုရင် ပုဒ်မ-၂၅ သတင်းမီဒီယာ ဥပဒေပုဒ်မ ပုဒ်မ-၂၅ ထပ်တိုးပါတယ်။ Social Media , Facebook , Onlineပေါ်ထိ ရောက်သွားမယ်ဆိုရင် ဆက်သွယ်ရေးဥပဒေပုဒ်မ- ၆၆ဃ ဖြစ်သွားပါပြီ။ ဒါကိုအရင်ဆုံး သိထားကြဖို့လိုပါတယ်။ ပါးစပ်ကပဲပြောပြော စာနဲ့ပဲပြောပြော အွန်လိုင်းပေါ်ရောက်တဲ့အဆင့်ရောက်ရင်တော့ အသရေဖျက်မှု သတ်မှတ်ဖွင့်ဆိုချက် ရာဇသတ်ကြီးဥပဒေ ပုဒ်မ-၅၀၀ နဲ့စပါတယ်။ အခြေအနေပေါ်မူတည်ပြီး ပုဒ်မ-၅၀၀ / ပုဒ်မ-၂၅ / ပုဒ်မ-၆၆ဃ ဆိုပြီး ကွဲပြားသွားတာကို သိရပါမယ်။ Onlineပေါ်တွင် ရိုင်းစိုင်းသည့် Commentများပေးခြင်း Chat box တွင် ရိုင်းစိုင်းသည့်စကားများ ပြောဆိုခြင်း အုပ်စုဖွဲ့၍ ရိုင်းစိုင်းသည့် စကားများ ပြောဆိုခြင်းများသည် ဆက်သွယ်ရေး ပုဒ်မ-၆၆ဃနှင့်တိုက်ရိုက်အကျုံး၀င်တယ်။ ဟုတ်ပြီ...... နောက်ထပ် ဘာတွေမတူသေးလဲ ဘာတွေကွဲလွဲသေးလဲ ဆက်ကြည့်လိုက်ရအောင်...... လူတစ်ယောက်က လူတစ်ယောက်ကို ဆက်သွယ်ရေးဥပဒေပုဒ်မ-၆၆ဃ နဲ့စွဲတဲ့အမှုကို ဒါလဲ အသရေဖျက်မှုပဲဆိုပြီး ပုဒ်မ ၅၀၀ နဲ့ ပြစ်ဒဏ် သတ်မှတ်လို့ မရသလို ၆၆ဃ ကို ပုဒ်မ ၅၀၀ အသရေဖျက်မှုနဲ့ပဲ တရားလိုကစွဲချင်စွဲလို့ရပါတယ်။ ဒီလိုပြောင်းလဲဖို့ တရားလိုရဲ့ သဘောဆန္ဒနဲ့ပဲ ပြောင်းလဲ စွဲဆိုလို့ ရပါတယ်။ ပါးစပ်ပြော စာပြော အွန်လိုင်းမှာပြောတဲ့ ပြစ်မှုတွေကို အသရေဖျက်မှု ရာဇသတ်ကြီးပုဒ်မ-၄၉၉ နဲ့ပဲ အကျုံးဝင်မဝင် ပုဒ်မ-၄၉၉ ပါ ပြစ်မှုအင်္ဂါရပ်များအရ ညီ/မညီ စစ်ဆေးရပါတယ်။ မတူတာတွေကတော့ ၁။ ၆၆ဃ ဟာ (ရဲအရေးပိုင်) ရဲက အရေးယူပိုင်ခွင့်ရှိပြီး အသရေဖျက်မှု ဥပဒေပုဒ်မ ၅၀၀ ကတော့ (ရဲအရေးမပိုင်) ရဲကအရေးယူပိုင်ခွင့် မရှိပါဘူး။ ၂။ ပြစ်ဒဏ်မတူပါဘူး ။ ပြစ်မှုထင်ရှားရင် ၆၆ဃ = ထောင်ဒဏ်နှစ်နှစ်အထိ (သို့မဟုတ်) ငွေဒဏ် (သို့မဟုတ်) ပြစ်ဒဏ်(၂)ရပ်စလုံး။ ပုဒ်မ ၅၀၀ = ထောင်ဒဏ် နှစ်နှစ်အထိ (သို့မဟုတ်) ငွေဒဏ် (သို့မဟုတ်) ပြစ်ဒဏ်(၂)ရပ်စလုံး ကျခံရမှာဖြစ်ပါတယ်။ ၃။ အသရေဖျက်မှုကို အကြောင်းပြုပြီး ပုဒ်မ ၅၀၀ နဲ့ဆွဲရင် အာမခံပေးရမယ့် အမှုဖြစ်ပြီး အသရေဖျက်မှုကို အကြောင်းပြု၍ ၆၆ဃ နဲ့စွဲမယ်ဆိုရင် အာမခံမပေးနိုင်တဲ့အမှု ဖြစ်သွားပါတယ် (ယခုအာမခံပေးလို့ရတဲ့ပုဒ်မပြောင်းလဲသွားပါပြီ) ရာဇဝတ်ကျင့်ထုံးဥပဒေ ဒုတိယဇယားအရ သုံးနှစ်နှင့်အထက် ပြစ်ဒဏ်သင့်မယ့် အမှုများကို အာမခံမပေးနိုင်တဲ့အမှုအဖြစ် သတ်မှတ်ထားပါတယ်။ ၄။ ၆၆ဃ ဟာ ရဲအရေးပိုင်အဖြစ် သတ်မှတ်ထားတာကြောင့် ပြစ်မှုကျူးလွန်ကြောင်း သိရှိသူ မည်သူမဆို တိုင်ကြားနိုင်ခွင့်ရှိပြီး ပုဒ်မ- ၅၀၀ မှာတော့ နစ်နာသူ ကာယကံရှင်ကိုယ်တိုင်သာလျှင် တိုင်ကြားစွဲဆိုရမှာ ဖြစ်ပါတယ်။ Credit to original writer #ဥပဒေရေးရာသိမှတ်စရာ #ti̇ktok #fypシ #lawyer #မှော်ဘီရှေ့နေ - @eithetthetkhaing2026