@elephantpromise: රැකුමට පුතුන් දිවියේ දුක් ගැහැට විඳී... පිය සෙනෙහසට කවි ගී ලියවුණා මදි... පියෙකු කිසිදා දරුවන්ගේ කුසගිනි නොනිවා සිය කුස පුරවා නොගන්නා සේම, සිය හස්තියාගේ කුසගින්න නිවා මිස කවරදාකවත් හස්ති පාලකවරයෙකු සිය කුස පුරවාගන්නේ නැත. අරුණැල්ල පොලොව සිප ගන්නටත් පෙර අවදී වී සැඳෑ අඳුර ගලා එන තුරු කිතුල් කොස් ගස් වල නැගී අතු කප්පාදු කලේ පියෙකු සිය දරුවෙකු වෙනුවෙන් දිවියම කැප කරන්නාක් මෙනි. ලෙඩ දුකක් වූ විට බෙහෙත් සොයමින් බෙහෙත් සාදමින් සිය හස්තියා සමග රැය පහන් කරන්නෙ හදවත උතුරා දෝරේ ගලා ගිය සැබෑ පීතෘත්ව ප්‍රේමය අරුත් ගන්වමිනි. ඉතිං, ලෝක පියවරුන්ගේ දිනයේ ඒ බැඳීම ගැන සටහනක් නොතබන්නේ නම් එය විශාල අඩුවක් වනු ඇත. හෙන්ඩුව කෝටුව අතින් ගත් දරදඬු රුවකට වසන් වුවත් ඒ පිටුපස තිබුනේ වචනයෙන් කියා නිමකළ නොහැකි තරම් ආදරයෙන් පිරීගිය අහිංසක හදවතක් හිමි පියෙකි. ආදරයේ සැබෑ අරුත කියාදුන් ඒ නිහඬ ආදරවන්තයන්ටම වෙන්වූ ලෝක පියවරුන්ගේ දිනය අදයි ❤️ #FathersDay #fatherslove #father #SriLankanElephant #TheElephantPromise 💫