@navat.satra.kh: ✅ធ្វើល្អមិនមែនបាន «អា.ម៍» នោះទេ ប៉ុន្តែ ការដែលធ្វើល្អហើយមានការរំពឹងថា នឹងបានអ្វីមួយមកវិញក្នុងសេចក្ដីល្អនោះ លុះការរំពឹងនោះមិនបានមកវិញដូចចិត្ដ ទើបនាំឱ្យកើតមានពាក្យថា «ធ្វើល្អបាន អា.ម៍»។ -ជួយឱ្យគេខ្ចីលុយ រំពឹងថាគេនឹងដឹងគុណហើយសង លុះមិនបានដូចចិត្ដ... ធ្វើល្អបាន អា.ម៍។ _ជួយទំនុកបម្រុងគេ រំពឹងថាគេដឹងគុណ លុះមិនបានដូចចិត្ដ... ធ្វើល្អបាន អា.ម៍។ _ជួយ... -ជួយ... -ជួយ... ✅ដូចម្ដេចដែលហៅថា «ធ្វើល្អបានល្អ»? ខ្ញុំចង់ឱ្យគ្រប់គ្នាកំណត់ការរំពឹង ២ យ៉ាង ដែលស្ថិតក្នុងហេតុផលតក្កវិជ្ជាជាមុនសិន។ ១, ការរំពឹងបកត្រឡប់ ២, ការរំពឹងត្រឹមផ្ដល់ឱ្យ។ ✅បើអ្នកហុចនំឱ្យជនស្មុតទ្រុឌមួយថង់ (ជួយ) តើអ្នករំពឹងឱ្យគាត់បានហូបឆ្អែត? ឬរំពឹងឱ្យគាត់ដឹងគុណ? បើរំពឹងឱ្យគាត់បានហូបឆ្អែតនិងមានកម្លាំង នោះគឺអ្នក «ធ្វើល្អបានល្អ» ពិតប្រាកដហើយ។ ព្រោះលទ្ធផលក្នុងគោលដៅពិតរបស់អ្នក វាបានកើតឡើងស្របនឹងការរំពឹងតែម្ដង ដែលហៅថា «ការរំពឹងត្រឹមផ្ដល់ឱ្យ»។ ប៉ុន្តែ បើអ្នករំពឹងឱ្យគេដឹងគុណ លុះគេហូបឆ្អែតហើយគេបែរជាងើបទៅបាត់ មិននិយាយអរគុណសូម្បីមួយម៉ាត់ នោះហើយវានាំឱ្យកើតមានពាក្យថា «ធ្វើល្អបាន អា.ម៍» មូលហេតុព្រោះវាជា «ការរំពឹងបកត្រឡប់» ដែលមិនមែនជាការរំពឹងត្រឹមផ្ដល់ឱ្យ។ ✅ចុះការធ្វើល្អក្នុងគោលដៅ «រំពឹងបកត្រឡប់» តើខុសដែរទេ? គឺមិនខុសទេ ប៉ុន្តែខុសត្រង់ថា បើធ្វើល្អបាន អា.ម៍ គឺដោយហេតុ «ធ្វើល្អ មិនប្រកបដោយប្រាជ្ញា»។ ព្រោះនៅក្នុងពុទ្ធឱវាទផ្ដោតលើគោលការណ៍២៖ ទី១, ញាណវិប្បយុត្ត៖ ការធ្វើល្អដោយមិនមានប្រាជ្ញាដឹងខុសត្រូវ (ធ្វើតាមៗគ្នា ឬធ្វើដោយអារម្មណ៍) ការធ្វើល្អបែបនេះគឺបានផលតិច ឬនាំឱ្យកើតមានពាក្យថា «ធ្វើល្អ បាន អា.ម៍» នោះឯង។ ការធ្វើល្អ បានអា.ម៍ ពីព្រោះខ្លួនឯងអប្បបញ្ញា។ ទី២, ញាណសម្បយុត្ត៖ ការធ្វើល្អប្រកបដោយប្រាជ្ញា ស្គាល់ហេតុ ស្គាល់ផល ដឹងថាអ្វីគួរធ្វើ អ្វីមិនគួរធ្វើ ការធ្វើល្អបែបនេះទើបព្រះពុទ្ធទ្រង់សរសើរ និងបានផលានិសង្សច្រើនៗ។ អនុមោទនា! by: ណាវ៉ាត់៚ #ធ្វើល្អបានល្អ #ពុទ្ធសាសនា #foryoupage #ពន្លឺបញ្ញា #សុភាសិតខ្មែរ

ណាវ៉ាត់៚ Proverbs

Open In TikTok:

Region: KH

Sunday 21 June 2026 05:28:55 GMT