@nyein.chan.maung323: မင်းက ကိုယ့်ကို မချစ်တော့ဘူးဆိုတာထက် ပိုနာကျင်တာရှိသေးတယ်။ အဲ့ဒါက ကိုယ့်ရဲ့ ချစ်ခြင်းတွေ အားလုံးကို မင်းက မမြင်တော့သလို ဖြစ်သွားတာပဲ။ ကိုယ်က မင်းအတွက် ဘယ်လောက်ထိ ရိုးသားခဲ့လဲ ကိုယ်ပဲ သိတယ်။ ကိုယ်က မင်းပျော်ရင် ပျော်ပေးခဲ့တယ်။ မင်းဝမ်းနည်းရင် စိတ်ပူခဲ့တယ်။ မင်းစကားတခွန်းကြောင့် တနေ့လုံး ပျော်နေဖူးတယ်။ မင်းရဲ့ စိတ်အခြေအနေကို ကြည့်ပြီး ကိုယ့်စိတ်ကိုတောင် ပြောင်းခဲ့ဖူးတယ်။ ဒါတွေကို ပြန်တွေးတိုင်း နာတယ်။ ဘာလို့လဲဆိုတော့ ကိုယ်က အပျော်တမ်း မချစ်ခဲ့ဘူး။ အချိန်ကုန်ရုံသက်သက် မချစ်ခဲ့ဘူး။ တကယ်ရင်ဘတ်ကြီးနဲ့ ချစ်ခဲ့တာ။ တကယ် အနာဂတ်ထိ တွေးပြီး ချစ်ခဲ့တာ။ ဒါပေမယ့် နောက်ဆုံးကျတော့ ကိုယ်တယောက်တည်း ကျန်ခဲ့တယ်။ မင်းက ရှေ့ဆက်သွားနိုင်တယ်။ မင်းက ပျော်နိုင်တယ်။ မင်းက အရင်အတိုင်း ရယ်မောနိုင်တယ်။ ကိုယ်ကတော့ မင်းထားခဲ့တဲ့ အမှတ်တရတွေအောက်မှာပဲ ရပ်နေမိတယ်။ တခါတလေ ဖုန်းထဲက စာအဟောင်းတွေ ပြန်ဖတ်မိတယ်။ ပြန်ဖတ်ပြီး ပြန်နာကျင်တယ်။ ဒါပေမယ့် မဖျက်ရက်ဘူး။ ဘာလို့လဲဆိုတော့ အဲ့ဒီစကားတွေထဲမှာ ကိုယ့်ရဲ့ အချစ်တွေ ရှိနေသေးလို့။ လူတွေက မေ့လိုက်ပါတော့လို့ ပြောကြတယ်။ လက်လွှတ်လိုက်ပါတော့လို့ ပြောကြတယ်။ ဒါပေမယ့် တကယ်ချစ်ဖူးတဲ့သူတယောက်ကို မေ့ဖို့က စကားတခွန်းလောက် မလွယ်ဘူး။ ကိုယ်က မင်းကို မရရင် သေမယ်ဆိုတဲ့အထိ မဟုတ်ဘူး။ ဒါပေမယ့် မင်းမရှိတဲ့ ဘဝကို ကျင့်သားရဖို့တော့ အချိန်လိုတယ်။ အရမ်းအချိန်လိုတယ်။ တချို့ညတွေမှာ မင်းကို သတိရလို့ အိပ်မပျော်ဘူး။ တချို့ရက်တွေမှာ မင်းအကြောင်းမတွေးဘဲ နေဖို့ ကြိုးစားတယ်။ ဒါပေမယ့် ဘာပဲလုပ်လုပ် မင်းနဲ့ဆိုင်တဲ့ အရာတခုခုကို တွေ့လိုက်တာနဲ့ အကုန်ပြန်သတိရသွားတယ်။ နာကျင်တာပေါ့...ရင်ဘတ်ကြီးနဲ့ ချစ်ခဲ့တာကို... မင်းအတွက် ကိုယ်က ဘာမှမဟုတ်တော့တဲ့အချိန်မှာ ပိုနာကျင်တယ်။ ကိုယ့်ရဲ့ ချစ်ခြင်းတွေက မင်းအတွက် အရေးမပါတော့ဘူးဆိုတာ သိလာရတဲ့အချိန်မှာ နာကျင်ရတယ်။ ဒါပေမယ့် အဲ့ဒီနာကျင်မှုတွေကြားထဲမှာတောင် ဝန်ခံရမယ့် အမှန်တရားတခုရှိတယ်။ ကိုယ် မင်းကို အခုထိ ချစ်နေသေးတယ်။ အရင်လောက် မမျှော်လင့်တော့ပေမယ့် ချစ်နေသေးတယ်။ ပြန်လာမယ်လို့ မယုံတော့ပေမယ့် သတိရနေသေးတယ်။ နာကျင်နေတယ်...ဒါပေမယ့် ..... ချစ်နေတုန်းပဲ...🥹 #crd #Nyein🙂‍↔️ #ဖီးစာသားလေးများ ☕ #foryoupagе ..💕💞💞 #ဒီတစ်ပုဒ်တော့fypပေါ်ရောက်ချင်တယ်

590

There are no more comments for this video.

To see more videos from user @nyein.chan.maung323, please go to the Tikwm homepage.