කීමෝ තෙරපි නැතුව පිළිකාව පරද්දන්න පුළුවන් ක්‍රමයක් සොයාගනී.. ලෝකෙ තියෙන රෝග අතරින් වැඩියෙන්ම කතා කරන්නේ අපේ හිතට මුලින්ම එන්නේ පිළිකාව කියන වචනය. ඒ වචනය ඇහෙද්දීම අපේ හිතට දැනෙන්නේ ලොකු බියක් වගේම සංවේදී බවක්. ඒ වගේම මැවෙන්නේ අපිට කෙස් ටික ඔක්කොම හැලිලා, අධික වේදනාවෙන් ඇඳක් උඩ විඳවන අසරණ රෝගියෙක්ව. ඔව්, ඒ තමයි අපි කවුරුත් දන්නා සාම්ප්‍රදායික කීමෝ තෙරපි (Chemotherapy) ප්‍රතිකාර ක්‍රමයේ තිත්ත ඇත්ත. කීමෝ තෙරපි වලින් කරන්නේ ශරීරයේ තියෙන පිළිකා සෛල විනාශ කරන්න ප්‍රබල රසායනික ද්‍රව්‍ය ශරීරයට ඇතුල් කරන එක. හැබැයි ඒ රසායනික ද්‍රව්‍ය වලට පිළිකා සෛලයි, අපේ ඇඟේ තියෙන හොඳ සෛලයි වෙන් කරලා අඳුරගන්න බැහැ. ඒ නිසා පිළිකාව වි නා ශ කරන ගමන්ම ඒ රසායනිකයන් අපේ මුළු ඇඟම දවලා විනාශ කරලා දානවා. වමනය, අධික විඩාව, ශරීරය දුර්වල වීම වගේ දරාගන්න බැරි වේදනාකාරී අතුරු ආබාධ වැලකට රෝගියාට මුහුණ දෙන්න සිද්ධ වෙන්නේ ඒ නිසයි. හැබැයි මේ හැමදේම සම්පූර්ණයෙන්ම වෙනස් කරන්න, වෛද්‍ය ලෝකය උඩුයටිකුරු කරන්න පුළුවන් අමුතුම විද්‍යාඥයෙක් ලෝකයට පහළ වුණා කිව්වොත් ඔබ විශ්වාස කරනවාද? 🧐 සාමාන්‍ය මිනිහෙක්ට හිතන්නවත් බැරි, හැබැයි පිළිකා රෝගීන් මිලියන ගාණකගේ ජීවිත වලට අලුත් බලාපොරොත්තුවක ආලෝකයක් දීපු වීරයෙක් ගැන. ඔහු තමයි වෛද්‍ය පැට්‍රික් සූන්-ෂියොන්ග් (Dr. Patrick Soon-Shiong). ඔහු නිකන්ම නිකන් දොස්තර කෙනෙක් නෙවෙයි, ප්‍රකෝටිපති ව්‍යවසායකයෙක්, ඒ වගේම දක්ෂ විද්‍යාඥයෙක්. වසර ගණනාවක් තිස්සේ ඔහු රසායනාගාර ඇතුළේ රෑ දවල් නොබලා වෙහෙසුණේ එකම එක අරමුණක් වෙනුවෙන්. ඒ තමයි, ඇයි අපිට බැරි මේ රසායනික ද්‍රව්‍ය වලින් ඇඟ හානියක් වෙන්නේ නැතුව, පිළිකාව පරද්දන්න වෙනත් ස්වභාවික ක්‍රමයක් හොයාගන්න කියන ප්‍රශ්නයට උත්තරය හොයන්න. ඔහු විශ්වාස කරපු එකම එක දෙයක් තිබුණා. ඒ තමයි, මේ විශ්වයේ මවා තිබෙන වඩාත් ආරක්ෂක පද්ධතිය තියෙන්නේ වෙන කොහේවත් නෙවෙයි, අපේම ශරීරය ඇතුළේ කියන එක. අපේ ප්‍රතිශක්තිකරණ පද්ධතියට පුළුවන් ඕනෑම ලෙඩක් එක්ක සටන් කරන්න. හැබැයි පිළිකා සෛල හරිම ඒ වගේ නෙවේ. ඒ සෛල අපේ ඇඟේ ආරක්ෂකයන්ට නොපෙනී හැංගිලා, ඇඟ ඇතුළෙන්ම අපේ ශරීරය කා දමනවා. ඉතින් දොස්තර පැට්‍රික් කල්පනා කළා, අපි මේ නිදාගෙන ඉන්න ආරක්ෂකයන්ව ඇහැරවලා, එයාලට හොඳට පෙනීම ලබා දුන්නොත්, එයාලම ගිහින් පිළිකාව විනාශ කරයි නේද කියලා. 💡 මෙන්න මේ අපූරු දේ තමයි ඉමියුනිතෙරපි (Immunotherapy) කියන අලුත්ම වෛද්‍ය විද්‍යාත්මක විප්ලවය උපදින්නේ. ඔහු මේ වෙනුවෙන්ම ImmunityBio කියන ආයතනය පිහිටුවලා, වසර ගණනාවක පර්යේෂණ වල ප්‍රතිඵලයක් විදිහට ලෝකයට අලුත්ම බලාපොරොත්තුවක් දායාද කළා. ඒ තමයි ඇන්ක්ටිවා (Anktiva - N-803) කියන ඖෂධය. මේක සාමාන්‍ය බෙහෙතක් නෙවෙයි, මේක හරියට අපේ ඇඟ ඇතුළේ ඉන්න හමුදාවට දෙන සුපිරි බලසම්පන්න එනර්ජි පෙත්තක් වගේ තමයි. ඇන්ක්ටිවා ශරීරයට ඇතුල් වුණාම කරන්නේ පිළිකා සෛල වලට කෙලින්ම එල්ල කරන එක නෙවෙයි. ඒ වෙනුවට ඒක කරන්නේ අපේ ප්‍රතිශක්තිකරණ පද්ධතියේ ඉන්න ප්‍රධානම රණශූරයන් දෙන්නෙක්ව බලගන්වන එකයි. 🛡️ අපේ ශරීරය ඇතුළේ නිතරම සංචාරය කරමින්, සතුරන් ඉන්නවාද කියලා හොයලා බලන ස්වභාවික ආරක්ෂක සෛල විශේෂයක් ඉන්නවා. එයාලට කියන්නේ නැචුරල් කිලර් සෛල කියලා. නම වගේම මෙයාලා ඇත්තටම හරි හපන්කමක් දක්වන්නේ මේ වැඩේට. මෙයාලා නිතරම අපේ ලේ ගමනාගමනය අස්සේ රවුම් ගහමින්, කොහේ හරි තුවාල වෙච්ච, විකෘති වෙච්ච නැත්නම් පිළිකා බවට පත්වෙන්න යන සෛලයක් තිබුණොත් ඒක ක්ෂණිකව වි නා ශ කරලා දානවා. හැබැයි පිළිකාව නරක අතට හැරෙද්දී මේ NK සෛල වලට ඒක පාලනය කරගන්න බැරි වෙනවා, නැත්නම් ඒක අකර්මණ්‍ය වෙනවා. අන්න ඒ වෙලාවට මේ ඇන්ක්ටිවා ඖෂධය ඇඟට ආවම, ඒක කෙලින්ම ගිහින් මේ NK සෛල වල අත් අල්ලගෙන එයාලට අසීමිත ශක්තියක් සහ උත්තේජනයක් දෙනවා. මෙයාලව නින්දෙන් ඇහැරවලා, යමල්ලා.. අර සතුරා ඉන්නවා, ගිහින් උන්ව දඩයම් කරපල්ලා කියලා අණ දෙනවා. ⚔️ ඒ විතරක් නෙවෙයි, මේ ඇන්ක්ටිවා ඖෂධය මගින් ඇඟේ ඉන්න තවත් සුපිරි ගනයේ සෛල විශේෂයක් වන "සයිටොටොක්සික් ටී-සෛල" (Cytotoxic T-cells) වල ක්‍රියාකාරීත්වයත් දහස් ගුණයකින් වැඩි කරනවා. මේ ටී-සෛල කියන්නේ හරියට අපේ ඇඟේ ඉන්න විශේෂ බලකා කොමාන්ඩෝ භටයෝ වගේ. එයාලට පුළුවන් සතුරා කවුද කියලා නිවැරදිව හඳුනාගෙන, ලේසර් එකකින් වගේ ටාගට් කරලා, අහල පහල තියෙන වෙනත් කිසිම හොඳ සෛලයකට හානියක් කරන්නේ නැතුව, අර පිළිකා සෛලය විතරක්ම විනාශ කරලා දාන්න. ඉතින් හිතලා බලන්න, මේ ඇන්ක්ටිවා ඖෂධය ශරීරයට ලැබුණම NK සෛලයි, ටී-සෛලයි දෙගොල්ලන්ම එකතු වෙලා ඇඟ ඇතුළේ මහා පරිමාණයේ යුද්ධයක් ප්‍රකාශ කරනවා. සාම්ප්‍රදායික ප්‍රතිකාර වලදී පිටතින් දාන රසායනිකයන් ඇඟ ඇතුළේ වි නා ශ යක් කරද්දී, මේ ක්‍රමයේදී වෙන්නේ ඇඟ ඇතුළෙන්ම උපදින ස්වභාවික සටන්කාමීන් ටික පිළිකාව දඩයම් කරන එක. මේක ඇත්තටම සොබාදහම සහ නවීන විද්‍යාව එකතු වෙලා කරපු ආශ්චර්යයක් නේද? 🧬 - @selfiekaviya