@nukte.kz: 🗣 “БҰЛ – ПРОВОКАЦИЯ!”: БЛОГЕР АЙҒАЛИ ТОЙЖАН SMALL-ДАҒЫ ТІЛ ДАУЫНА ҚАТЫСТЫ ПІКІРІН БІЛДІРДІ Желіде “Small” супермаркетінде тұтынушының “Орысша жауап бер!” деп қызметкерге жекіген видеосы қызу талқылануда. Бұл жағдайға қатысты белгілі блогер, ақпаратшы Айғали Тойжан да өз пікірін білдіріп, дүкен қызметкеріне қолдау көрсетті. Блогердің пікірі қандай? Айғали Тойжан бұл оқиғаны нағыз провокация деп бағалады. Оның айтуынша, видеоны түсірген тұтынушы мұндай әрекетке алдын ала дайындалып келген болуы әбден мүмкін. “Біз қазақтар ондайға жүрмейміз, ондай провокацияға берілмейміз... Не деген провокацияның шыңы болды. Бұл алдын ала дайындалып келген, арнайы видео түсіремін, осындай сөздерді айтамын деп” – деді блогер. Қызметкердің сабырлығына жоғары баға берілді Блогер сатушы қыздың сабырлығы мен төзімділігіне таңғалысын жасырмады. Ол қызметкердің осындай қысымға қарамастан, өзін байсалды ұстап, соңына дейін төтеп бергенін айтып, басшылықтан оған сыйақы (премия) беруді ұсынды. “Мына қызды басшылыққа тағайындау керек, міндетті түрде премия беру керек. Бұндай қыздар өте сирек. Сабырлықпен, іштей соңына дейін төтеп берді”, – деп атап өтті Айғали Тойжан. Блогер сондай-ақ, халықты мұндай арандатушылықтарға берілмей, жағдайға юмормен, жеңіл қарауға шақырды. Сіз Айғали Тойжанның пікірімен келісесіз бе? #жаңалықтар #қазақстан #блогер #тілмәселесі #жаңалық

Nukte

Open In TikTok:

Region: KZ

Sunday 21 June 2026 12:22:08 GMT