☀️ හිරු එළියේ රහස සහ තයිරොක්සින් අභිරහස: Vitamin D සහ තයිරොයිඩ් අතර ඇති අපූර්ව සබැඳියාව 🦋 අපේ ශරීරය කියන්නේ හරියට සියුම් තත් පහළොවක් එකට බැඳුණු වීණාවක් වගේ. එක තතක් බුරුල් වුණොත් මුළු සිතාරයේම ස්වර රටාවන් අවුල් වෙලා යනවා. අන්න ඒ වගේ, අපේ බෙල්ල ප්‍රදේශයේ සමනලයෙකුගේ හැඩයට තියෙන තයිරොයිඩ් ග්‍රන්ථිය (Thyroid gland) සහ අපිට හිරු එළියෙන් නොමිලේම ලැබෙන Vitamin D අතර තියෙන්නෙත් එවැනිම සමීප, අපූර්ව සබැඳියාවක්. බොහෝ දෙනෙක් සිතන්නේ Vitamin D කියන්නේ අස්ථි ශක්තිමත් කරන තවත් එක විටමින් වර්ගයක් විතරයි කියලයි. හැබැයි ඇත්තම කතාව නම්, Vitamin D කියන්නේ අපේ ප්‍රතිශක්තිකරණ පද්ධතිය මෙහෙයවන ප්‍රබල "හෝමෝනයක්" වැනි දෙයක්. ඉතින්, තයිරොක්සින් පෙති බොන කෙනෙකුට වෛද්‍යවරුන් විශේෂයෙන්ම Vitamin D පරීක්ෂණයක් (Vitamin D Test) නිර්දේශ කරන්නේ ඇයි? ඒ පිටුපස ඇති වෛද්‍ය විද්‍යාත්මක රහස් 4ක් මෙන්න: 1. එකම වෙස්මුහුණ දැමූ රෝග ලක්ෂණ ද්විත්වය තයිරොක්සින් හෝමෝනය අඩු වූ විට (Hypothyroidism) කෙනෙකුට දැනෙන අධික මහන්සිය, ඇඟ පත රිදීම, මාංශ පේශි පෙරළීම, හිසකෙස් යෑම සහ අධික නිදිමත ගතියම තමයි ශරීරයේ Vitamin D අඩු වූ විටත් දැනෙන්නේ. බොහෝ වෙලාවට තයිරොක්සින් පෙත්ත නියමිත මාත්‍රාවෙන් බීලත් සමහර අයට තවමත් මහන්සිය ගතිය අඩුවෙන්නේ නැහැ. අන්න ඒ වෙලාවට වෛද්‍යවරුන් සොයා බලනවා මේ වෙස්වලාගෙන ඉන්නේ තයිරොක්සින් මදිකම නෙවෙයි, Vitamin D හිඟකමද කියලා. 2. ප්‍රතිශක්තිකරණ සටන "සන්සුන්" කිරීම ලංකාවේ බහුතරයකට තයිරොක්සින් හෝමෝනය අඩු වෙන්නේ Hashimoto's Thyroiditis කියන තත්ත්වය නිසයි. මෙහිදී සිදුවන්නේ ශරීරයේ ආරක්ෂක සෛල (ප්‍රතිශක්තිකරණ පද්ධතිය) විසින්ම තමන්ගේම තයිරොයිඩ් ග්‍රන්ථිය සතුරෙක් සේ සලකා එයට ප්‍රහාර එල්ල කිරීමයි. Vitamin D වල මැජික් එක: Vitamin D වලට පුළුවන් ශරීරයේ මෙලෙස වියරු වැටී ඇති ආරක්ෂක සෛල සන්සුන් කරන්න (Immune Modulation). ශරීරයේ Vitamin D මට්ටම නිසි පරිදි පවතින විට, තයිරොයිඩ් ග්‍රන්ථියට එල්ල වන මේ "මිත්‍රද්‍රෝහී" ප්‍රහාර අවම වෙනවා. 3. තයිරොක්සින් පෙත්තට "දොරවල්" විවෘත කිරීම අපි උදේ පාන්දරම බොන තයිරොක්සින් පෙත්ත ලේ වලට එකතු වෙලා, ශරීරයේ සෛල ඇතුළට ගිහින් වැඩ කරන්න ඕනේ. සෛල ඇතුළට යන්න නම් සෛල මතුපිට තියෙන ග්‍රාහක (Receptors) හරියට ක්‍රියාත්මක විය යුතුයි. නවීන පර්යේෂණ වලින් හෙළි වී තිබෙන්නේ Vitamin D අඩු වූ විට සෛල වලට තයිරොක්සින් හෝමෝනය හඳුනාගැනීමේ සහ පිළිගැනීමේ හැකියාව අඩු වන බවයි. විටමින් D නිසි මට්ටමට ආ විට, ඔබ බොන තයිරොක්සින් පෙත්ත උපරිම කාර්යක්ෂමතාවයෙන් වැඩ කරන්න පටන් ගන්නවා. 4. අස්ථි සිහින් වීමේ අවදානමෙන් බේරීම දීර්ඝ කාලීනව තයිරොක්සින් ඖෂධ ගන්නා විට, ශරීරයේ කැල්සියම් සහ අස්ථි වල ඝනත්වය (Bone Density) කෙරෙහි බලපෑමක් ඇති වෙන්න පුළුවන්. Vitamin D නැතිව අපේ බඩවැල් වලට කෑමෙන් ලැබෙන කැල්සියම් උරාගන්න බෑ. එම නිසා අනාගතයේදී ඇතිවිය හැකි අස්ථි දිරාපත්වීමේ (Osteoporosis) රෝගයෙන් ආරක්ෂා වීමට මේ හෝමෝන දෙකම සමබරව තිබීම අත්‍යවශ්‍යයි. ⚠️ රන්වන් නීතිය: පෙති බොන විට මේ වැරැද්ද කරන්න එපා! වෛද්‍යවරයා ඔබට තයිරොක්සින් සමඟ Vitamin D හෝ කැල්සියම් පෙති නියම කළහොත් මතක තබාගත යුතු ප්‍රධානම දේ තමයි: මේ වර්ග දෙක කිසිවිටකත් එකට බොන්න එපා! උදෑසන: තයිරොක්සින් (Thyroxine) පෙත්ත උදේ අවදි වූ සැනින් හිස්බඩ වතුර වීදුරුවක් සමඟ බොන්න. (පැයක් යනතුරු තේ, කෝපි හෝ කෑම එපා). දවල් හෝ රාත්‍රී: Vitamin D සහ Calcium පෙති ප්‍රධාන ආහාර වේලකින් පසුව ගන්න. කැල්සියම් සහ විටමින් පෙති මඟින් තයිරොක්සින් ඖෂධය බඩවැල් වලට උරාගැනීම මුළුමනින්ම වළක්වනවා. ඒ නිසා මේ ඖෂධ වර්ග දෙක අතර අවම වශයෙන් පැය 4 ක පරතරයක් තිබීම අනිවාර්යයි. පිටතින් බොන පුංචි තයිරොක්සින් පෙත්තට, අපේ ඇඟ ඇතුළේ ලස්සනට වැඩ කරන්න නම්, උදෑසන සිසිල් හිරු එළියෙන් ලැබෙන Vitamin D වල ආශිර්වාදයත් අත්‍යවශ්‍යයි. නිරෝගී ජීවිතයක රහස තියෙන්නේ මේ සමබරතාවය තුළයි! ☀️ (Ann Rodrigo) - @vineeshiyachamini