@richo3030: #happyfathersday🥹ዛሬ የአባቶች ቀን ነው። ይህ ቀን ለእኔ ልዩ ትርጉም አለው፤ ምክንያቱም እንደ አንተ ያለ አባት ስላለኝ።❤️ አባቴ፣ ቀንም ማታም ለእኛ ስትደክም፣ ስትሰራ፣ ህመምህን እንኳን እንዳናይ ድብቅ አድርገህ እኛን ብቻ ስታስብ ሳይ ልቤ ይነካል። አንተ ለእኛ ከአባት በላይ ነህ፤ ጥላችን፣ ብርታታችን፣ ጀግናችን ነህ። ብዙ ጊዜ ድካምህን አትናገርም፤ ግን ሁሉንም ለእኛ ብለህ እንደምትሸከም እናውቃለን። የምትወስደው እያንዳንዱ እርምጃ ለእኛ የወደፊት ብርሃን ነው። አባቴ፣ ዛሬ አንድ ነገር ልንገርህ — ደርሼልሃለሁ።🙏🤝💪 አንተ የምትደክምልንን ቀን እያየሁ እኔም ተስፋ አለኝ፤ አንድ ቀን ያንን ድካም እኔ እቀንስልሃለሁ🥹 አሳርፍሃለሁ አባቴ።ቃሌ ነው ዛሬ አንተ ለእኛ እየደከምክ ነው፤ ነገ ግን እኔ ለአንተ እኖራለሁ። ዛሬ አንተ ሸክሙን ተሸክመሃል፤ ነገ ግን ሸክምህን እኔ እሸከማለሁ። ዛሬ አንተ ለእኛ እየጣርክ እየሮጥክ ነው፤ ነገ ግን የእረፍት ቀንህን እኔ አመጣልሃለሁ እኔ ልጅህ። አባቴ፣ ስለ ፍቅርህ፣ ስለ ትዕግስትህ፣ ስለ መስዋዕትነትህ አመሰግናለሁ። የምታከብረኝ አባቴ እወድሀለሁ እግዚአብሔር ዕድሜና ጤና ይስጥልኝ፤ እኔም አንድ ቀን እንድትኮራብኝ አደርጋለሁ። መልካም የአባቶች ቀን ለአንተ ጀግናዬ ለአባቴ። ❤️@model dagi🫀👸