@user21.com34: Rusiya Xarici İşlər Nazirliyi Kiyevə yeni zərbələrin endiriləcəyi ilə bağlı xəbərdarlıq edib. Azərbaycan24 xəbər verir ki, nazirliyin bəyanatında Ukraynanın Starobilskə hücumundan sonra Rusiya Silahlı Qüvvələrinin Kiyevdə hərbi-sənaye kompleksi müəssisələrinə sistemli zərbələr endirməyə başlayacağı bildirilib. Qeyd olunub ki, zərbələr pilotsuz uçuş aparatlarının layihələndirilməsi, istehsalı və tətbiqi ilə məşğul olan obyektləri, həmçinin qərar qəbuletmə mərkəzləri və komanda məntəqələrini hədəf alacaq. Bəyanatda NATO mütəxəssislərinin də Ukrayna tərəfinə komponent tədarükü, kəşfiyyat məlumatlarının verilməsi və hədəflərin müəyyənləşdirilməsi istiqamətində dəstək göstərdiyi iddia olunub. Rusiya XİN xarici ölkə vətəndaşlarını Kiyevi tərk etməyə, yerli sakinləri isə hərbi obyektlərdən uzaq durmağa çağırıb.
