@fwx1w: فتحت دلع عيونها شوي وكان واضح عليها التعب. أول ما شافتني ابتسمت ابتسامة خفيفة. وقالت بصوت متعب "وش جابك هنا؟" ضحكت وأنا أحاول أخفي توتري قلت:"يعني بعد كل اللي صار تبيني أروح؟" قالت؛"حسبتك رجعتي مع البنات." هزيت راسي "ما قدرت." سكتت ثواني. وقالت:"خوفتكم صح؟" ما رديت لأن مجرد تذكر اللي صار قبل كم ساعة كان يضيق صدري. دخل الدكتور وقتها وسألها كم سؤال بسيط. وتأكد إنها بخير وبعد ما طلع دخلت أم دلع وأبوها. أول ما شافوها ارتاحوا شوي. كانت أمها ماسكة دموعها بصعوبة وجلست جنبها تسألها عن كل شيء. أما أنا قمت بهدوء. وأعطيت أمها الورد اللي شريته ابتسمت لي وقالت:"الله يسعدك يا شيهانه." وبعدين كملت: "من يوم صار اللي صار وانتي ما فارقتيها." ما عرفت وش أقول فاكتفيت بابتسامة. بعدها دخلوا البنات كلهم روح أول وحدة أول ما شافت دلع قالت:"والله لو رحتي كان ذبحتك." انفجروا البنات ضحك حتى دلع ضحكت رغم تعبها. قالت روز:"قسم بالله حسبناها مزحة بالبداية." أما شهد؟ كانت واقفة ورا البنات ساكتة. واضح عليها تأنيب الضمير قربت من السرير. وقالت بصوت هادي:"دلع... آسفة." رفعت دلع رأسها. وقالت:"شهد." سكتت شهد. قالت دلع:"أنا أعرف إنك ما كنتي تقصدين." وبدأت شهد تبكي. أما البنات. فسكتوا كلهم. لأنهم يعرفون إنها من وقت الحادثة وهي مو على بعضها. بعد شوي طلعوا البنات كلهم. وبقيت أنا عند الباب أستعد أمشي. قالت دلع: "شيهانه." التفت عليها قالت:"شكراً." قلت:"على وش؟" ابتسمت وقالت:"على كل شيء." وقفت ثواني بعدين قلت:"المهم إنك بخير." وطلعت من الغرفة. لكن وأنا أمشي بممر المستشفى استوعبت شيء. من لحظة ما طاحت دلع. إلى لحظة ما فتحت عيونها. ما كان في بالي إلا شيء واحد. إني أبي أشوفها بخير وبس. #wlw #explore
