@kjoonka63: ومن هنا يا عزيزتي بقول ليك حاجة مهمة... الزول البكون عايزك بجد، ما بفتش للأعذار، بفتش للطرق. ما بقعد يشرح ليك ليه ما قدر، بقعد يفكر كيف يقدر. لأنو لما الإنسان يكون شاري إنسان، ومستعد ليهو، بتلقى المحاولة عندو ما مرة ولا مرتين... بتلقى المحاولة عادة. عشان كدا ما تصدقي كل المبررات البتتلبس لبسة الظروف. في فرق كبير بين زول الظروف وقفتو مؤقتاً، وزول من البداية ما كان متمسك كفاية عشان يحارب. والحقيقة البسيطة جداً... الرجال شجعان قدّام الحاجات البحبوها. الزول البكون عايزك بجد ما بخليك محتارة في مكانك عندو، ولا بخليك تتساءلي كل يوم إذا كان متمسك ولا لا. أما الجملة الشهيرة: "إنتِ تستاهلي واحد أحسن مني" ففي أغلب الأحيان معناها الحقيقي: "أنا ما مستعد أبذل المجهود ، عشان أكون الزول البتستاهليه." فلما تجي تختاري شريك حياتك... اختاري الزول البتحسي بمحاولاتهُ قبل كلامهُ.... البتلقيهو حاضر، ومهتم، ومتمسك، وما بخلي أول عقبة تكون آخر محطة.