သံယောဇဉ်ဆိုတာ ဒုက္ခရဲ့ ဖြစ်တည်ရာလမ်းစတဲ့။ ဒါပေမဲ့ ဒီလောကကြီးထဲမှာ ဘယ်သူကများ တစ်ယောက်တည်း၊ တစ်ကိုယ်တည်း နေနိုင်မှာမို့လဲ။ ချစ်စရာ၊ ခင်စရာလူတွေမရှိရင်တောင်မှ ခွေးလေးတွေ၊ ကြောင်လေးတွေကို ချစ်ခင်ကြတာပဲလေ။ အချစ်ရှိပြီဆိုရင်တော့ သေချာပေါက် စိတ်ဆင်းရဲဒုက္ခတွေလည်း ရှိပြီပေါ့။ စိတ်ချမ်းသာရပါတယ်ဆိုတဲ့ relationship တွေမှာတောင် စိတ်ပူပန်ရတာ၊ စိတ်ဆင်းရဲရတာတွေက အနည်းနဲ့ အများရှိတတ်ပါသေးတယ်။ အခုချိန်ထိလည်း ကိုယ့်ဘက်က သံယောဇဉ်မပြတ်နိုင်ဘူး။ ချစ်လည်း ချစ်နေဆဲဆိုပေမယ့် လုံးဝရှေ့ဆက်လို့ မဖြစ်နိုင်တဲ့ အနေအထားတွေ ကြုံလာရတဲ့အခါ တွဲတာက တစ်နှစ်၊ Move on လုပ်ရတာ (၁ဝ) နှစ်ဆိုတာမျိုးတွေ မဖြစ်စေဖို့ Move on လုပ်ရတာ လွယ်ကူစေမယ့် နည်းလမ်းလေးတွေကို ဖော်ပြပေးလိုက်ပါတယ်နော်။🍂 ၁။ အဆက်အသွယ်မလုပ်ပါနဲ့။ ဖုန်းတွေဆက်၊ စာတွေပို့၊ သူ့ရဲ့ Social Media အကောင့်တွေကို လိုက် Check၊ သူ့ My Day မှာ ဘာတင်ထားလဲလိုက်ချောင်းနေတာမျိုးတွေကို ရပ်လိုက်ပါ။ ဒီလိုတွေလုပ်နေတာက ဘာနဲ့တူလဲဆိုတော့ ဖြစ်နေတဲ့ ဒဏ်ရာကို သေချာကုသတာမျိုးမလုပ်ဘဲ ဆားနဲ့ ပက်နေသလိုပါပဲ။ Move on လုပ်နိုင်ဖို့ဆိုတာ အဆက်မသွယ်မရှိဘဲ ဝေးကွာနေမှဖြစ်မှာပါ။☘ ၂။ စိတ်ကူးယဉ်ခဲ့တဲ့အိပ်မက်တွေ အားလုံးကို မေ့ပစ်လိုက်ပါ။ ကြည်နူးပျော်ရွှင်စရာကောင်းတဲ့ စုံတွဲလေးတွေကိုတွေ့တိုင်း၊ ပုံလေးတွေမြင်တိုင်း ငါတို့လည်း ဒီလိုမျိုးဖြစ်ခဲ့သင့်တာလို့ တွေးနေတာတွေကို ရပ်တန့်ပစ်ဖို့ လိုပါတယ်။ လေထဲမှာ ဆောက်ခဲ့မိတဲ့အိမ်ကို မေ့ပစ်ပြီး လက်တွေ့ကိုပဲ မြင်အောင် ကြည့်နိုင်ဖို့ ကြိုးစားပါ။🌿 ၃။ ခွင့်လွှတ်ပါ။ “သူမလို့ ငါ့ကို ဒီလိုမျိုး လုပ်ရက်တယ်”၊ “သူကများ ငါ့ကို Cheat လုပ်တယ်တဲ့လား” စသဖြင့် အငြိုးတွေ၊ အာဃာတတွေ ထားနေခြင်းက ကိုယ့်ကို ပိုခံစားရစေပါလိမ့်မယ်။ ဒါကြောင့် ခွင့်လွှတ်မှုဟာ သူနဲ့ မထိုက်တန်ဘူးဆိုရင်တောင် ခွင့်လွှတ်နိုင်အောင် ကြိုးစားပါ။ ကိုယ်ကိုယ်တိုင်ကတော့ ငြိမ်းချမ်းမှုနဲ့ ထိုက်တန်တယ်မဟုတ်လား? ဒါဟာ ကိုယ့်ကိုယ်ကိုယ် ပိတ်လှောင်ထားမိတဲ့ စိတ်အကျဉ်းထောင်ကနေ လွတ်ငြိမ်းချမ်းသာခွင့်ရသလိုပါပဲ။🍂 ၄။ အချစ်ဆိုတာ ကိုယ်တစ်ယောက်တည်း ချစ်နေရုံနဲ့ မလုံလောက်ဘူးဆိုတာ သဘောပေါက်ပါ။ ကိုယ်က ချစ်ပေမယ့်၊ ကိုယ့်ကို မချစ်တော့တဲ့သူတစ်ယောက်ကို လက်လွှတ်ပေးလိုက်နိုင်တာဟာ ရင့်ကျက်မှုတစ်ခုပါ။ ကိုယ့်ဆီမှာ မပျော်နိုင်တဲ့သူ့ကို အတင်းကပ်တွယ်နေတာကမှ ကိုယ့်ဝေဒနာကို ပိုတိုးစေပါလိမ့်ဦးမယ်။ အချစ်ဆိုတာ ပိုင်ဆိုင်ရယူခြင်းမဟုတ်ဘူးလို့ ပြောတတ်ကြတယ်မဟုတ်လား?..🥀🍂 #crd #foryou #fypシ゚viral - @theingikywe121