IT කොල්ලෙක් එක්ක යාළු වුණොත් වෙන දේ... IT ෆීල්ඩ් එකේ වැඩ කරන කොල්ලෙක් එක්ක යාළු වෙනවා කියන්නේ වෙනමම අත්දැකීමක්. ඔයාගේ කොල්ලත් Software Engineer කෙනෙක් හරි IT කරන කෙනෙක් හරි නම්, මේ දේවල් අනිවාර්යයෙන්ම ඔයාගේ ජීවිතේටත් දැනෙන්න ගන්නවා. සාමාන්‍යයෙන් මේ අයගේ ලෝකය දුවන්නේ වෙනස්ම Timezone එකකට. එයාලා නිදාගන්නේ පාන්දර එක, දෙක පහුවෙලා, නැගිටින්නේ උදේ නවයට විතර. සමහර වෙලාවට අනිත් අයත් මේ විදිහටම ඉන්නවා කියලා හිතලා වැරදිලා පාන්දර කෝල්ස්, මැසේජ් දාලත් තියෙනවා. අනිත් කෙනා වෙලාව කිව්වම තමයි එයාලට සිහිය එන්නේ. ඒ වගේම "පහ මාරෙන් පස්සෙත් වැඩද? සති අන්තෙවත් ෆ්‍රී නැද්ද?" කියන එක මේ අයගේ කෙල්ලන්ගෙන් අහන්න ලැබෙන නිත්‍ය ප්‍රශ්නයක්. විශේෂයෙන්ම Release එකක් කිට්ටු වුණාම කෝල් එකක්, මැසේජ් එකක්වත් දාන්න වෙලාවක් නැති වුණාම ප්‍රශ්න ගොඩයි. වැඩ වැඩි වුණ ගමන් අනිත් දේවල් ගැන තියෙන අවධානය අඩුවෙන එකත්මේ අයගේ සාමාන්‍ය දෙයක්. "ඇහෙන්නේ නැද්ද?", "මතක නැද්ද?" කියලා කෙල්ලගෙන් බැනුම් අහන්න වෙන්නේ ඒ නිසයි. ඇත්තටම ඒ අහන් ඉන්නේ නැතුවවත්, මතක නැති කමටවත් නෙවෙයි; ඔළුව ඇතුළේ කෝඩ් එකක් හරි Issue එකක් හරි රන් වෙන ගමන් තියෙන නිසයි. මේ නිසාම ට්‍රිප් එකක්, ඩේට් එකක් ගියත් එයාලගේ පළවෙනි ආදරේ වෙන ලැප් එක බැක්පැක් එකේ අනිවාර්යයෙන්ම තියෙනවා. හදිස්සියෙවත් අවුලක් ගියොත්, පාර අයිනේ හරි කඩේක හරි ලැප් එක දිගෑරගෙන කෝඩ් ගහන්න වෙන වෙලාවල් ඕන තරම්. කෝපි බොන එක මෙයාලට උපතින්ම ආපු ලක්ෂණයක් වගේ. ඒ වගේම දවසම එකම තැන වාඩි වෙලා, අතේ ඇඟිලි විතරක් වැඩ කරද්දි මහත් වෙන එක අහන්නත් දෙයක්ද? ඒ අස්සේ කොන්දේ අමාරුවකුත් නිකම්ම ලැබෙනවා. තවත් දෙයක් තමයි ඩාර්ක් මෝඩ් (Dark Mode) පිස්සුව. ෆෝන් එකේ, ලැප් එකේ විතරක් නෙවෙයි, පාවිච්චි කරන හැම App එකක්ම වගේ තියෙන්නේ Dark Mode එකේ. අනිත් අතට කෙල්ලගේ ගෙදර අය හිතන් ඉන්නේ කොල්ලා IT කරනවා කිව්වම Lap, ෆෝන් කැඩුණම හදන්නයි, යාලුවන්ගේ හැක් වුණ Facebook එක ගොඩදාලා දෙන්නයි පුළුවන් කියලයි. ඒ වගේම කොල්ලා Technology පැත්තෙන් ගොඩක් ඉස්සරහින් ඉන්න නිසා කෙල්ලට ලොකු බොරුවක් එහෙම කරන්නත් ටිකක් අමාරුයි. හැබැයි මේ ඔක්කොම අස්සේ තියෙන ලොකුම වාසිය තමයි, හොඳ පඩියක් තියෙන නිසා ජීවිතේ ගොඩක් දේවල් ලේසි වෙන එක. සල්ලි නිසා කාලය ඉතුරු කරගන්න වගේම පහසුවෙන් වැඩ කරගන්න පුළුවන්. කොහොම වුණත්, සමහර විට IT කොල්ලෙක්ට කෙල්ලෙක් සෙට් නොවෙන්න, එහෙමත් නැත්නම් ඉන්න කෙල්ල නැති වෙන්නත් මේ දේවල්ම හේතු වෙනවා. අන්තිමට කියන්න තියෙන්නේ, IT කරන කොල්ලෙක් ටිකක්වත් බිසී නැති කෙල්ලෙක් එක්ක සෙට් වුණොත් නම්... සොරිම තමයි! Join with us : https://whatsapp.com/channel/0029VbBm54hHltY2rJQheP0T Youtube : https://youtube.com/@geekpranee?si=05Laj_CsCdpZxr7s Telegram: https://t.me/geekpraneeYT Facebook :https://www.facebook.com/share/1C4AaNqtPJ/?mibextid=wwXIfr Tik tok :https://www.tiktok.com/@geekpranee?_r=1&_t=ZS-92l6i07qS7V #campuslk #Geekpranee - @geekpranee