❗️⚡️ Пхукетте Қазақстан азаматшасы бірнеше жол-көлік оқиғасын жасап, полициядан қашуға әрекеттенген Тайландтың Пхукет аралында 30 жастағы Қазақстан азаматшасы қатысқан жол оқиғалары қоғамның назарын аударды. Жергілікті БАҚ мәліметінше, әйел адам көлікпен бірнеше сағат бойы бейберекет қозғалып, жолдағы басқа көліктер мен мотоциклдерге соқтығысқан. Оқиғалардың бірі ескі әуежай жолы маңында болған. Онда жеңіл көлік микроавтобус пен мотоциклге соғылып, салдарынан екі адам жарақат алған. Полиция күдіктіні бірден тоқтата алмаған. Құқық қорғау органдары көліктің терезесін сындырып барып жүргізушіні ұстағаны хабарланды. Алдын ала мәлімет бойынша, әйел адамның жеке өміріндегі қиындықтарға байланысты ауыр эмоционалдық күйде болғаны айтылады. Сондай-ақ оның бұған дейін де осыған ұқсас оқиғаларға қатысқаны белгілі болды. - @qaz365kz