@askarbekkazangap: Соттың солақайлығы жауапсыз қала ма? Қызылорда облысында «Дорстрой» компаниясына қатысты даудың нүктесі әлі қойылар емес. Жәбірленуші Мұратбек Тілеулиевтің ісін қараған судья Кәмшат Садуақасованың жіберген қателігін сот алқасы Ермек Тұрбаев анықтаған еді. Талапкердің конститутциялық құқығы шектелгені, заң нормаларын бұзғаны айтылып, экономикалық соттың шешімін қайта қарауға жіберген болатын. Десе де, тәртіптік теріс әрекетке жол берген судьяға әлі күнге ешқандай шара қолданбауы үлкен сұрақ пен күдік туғызады. Сонда судьялар жюриі бұл жағдайды біле тұра неге үнсіз? Судьялардың кәсіби жауапкершілігін қадағалайтын орган да жақ ашпай отыр. Облыстық соттың төрағасы да тым-тырыс. Заң алдында бәрі тең болуы керек деген Әділетті Қазақстанның басты қағидаты емес пе? Жоғарғы Сот пен Судьялар жюриі осы мәселеге нақты жауап беруі тиіс. Өйткені әңгіме бір ғана судья туралы емес, бүкіл сот жүйесіне деген сенім туралы болып отыр. Егер бұл жағдайды жылы жапса, «судьялар қателессе де жазаға тартылмайды» деген қоғамда түсінік қалыптасуы мүмкін. #казахстан #алматы #кызылорда #асқарбекқазанғап

Асқарбек Қазанғап

Open In TikTok:

Region: KZ

Monday 22 June 2026 12:28:30 GMT